Ubonga uthando lwabalandeli ukhune
Uthembisa ukungabaphoxi uma enikwa ithuba
UBONGA uthando alukhonjiswe ngabalandeli u-itumeleng Khune ongunozinti wekaizer Chiefs oke wenza okuphambene nokulunga - njengoba eke waba sematheni ngokuya ejimini yezimpofana ekhafula iphunga lamponjwana.
Nakuba ukhune esizwa ngendaba isikimu kwichiefs, kodwa ungomunye wabadlali abavotelwe ukuba seqenjini lepremier Soccer League (PSL), icarling All Stars XI, elizogijima nestellenbosch FC eyizingqwele zecarling Black Label Knockout namuhla ngomgqibelo ngo-15h00 epeter
Mokaba
Stadium, epolokwane. Nguyena ozobe esezintini.
Icarling XI yisikwati esakhiwe ngabadlali abehlukene, abavotelwe ngabalandeli bamakilabhu agijima kwipsl ukuba kulona. Kuvotelwe abadlali abagijima kwidstv Premiership nakwidstv Diski Challenge (DDC). “Ngibe nenhlanhla ngagudlana nonozinti nabaqeqeshi abahlonishwayo, yingakho namanje abalandeli besakholelwa ekhonweni lami. “Ngiyababonga kakhulu ngokungeseka futhi ngiyethembisa ukuthi ithuba elincane engilinikwayo ngizokhombisa ngekhono lami,” kusho ukhune.
Uthi konke okwenzeke kuyena eze emiswa yichiefs - ngenxa yamanzi amponjwana - ukholwa wukuthi kwenzeke ngesizathu. “Ngisesimeni esihle, ngikholwa wukuthi bonke abantu bebezibonela ukuthi ngiyajima. “Bengijima kanzima ngoba uma ungumdlali webhola, kakufanele weqiwe wusuku lonke ungenzi lutho, ngoba kawazi ukuthi ikusasa likuphatheleni. “Ngesikhathi kuvulwa amavoti, ngibona igama lami lihamba phambili, yilapho engibone khona ukuthi yonke into yenzeka ngesizathu.
“Ngibe sengizitshela ukuthi kufanele ngiqinisekise ukuthi kufika isikhathi somdlalo ngisesimeni esihle sokudlala. “Engifuna ukukubeka kucace wukuthi sengidlule kokuningi, nalokhu ngeke ngikuvumele kungithene amandla. Ngiyajabula ngokuba yingxenye yalesi sikwati,” kusho ukhune.
Uncome IPSL nabakwacarling ngalo mqhudelwano njengoba ekholwa wukuthi uzovulela abafana abancane ithuba lokuziveza. “Ngiyakholelwa ekufukulweni kwabafana abancane ngoba nami ngikhulele khona (ezikwatini ezincane), ngiyazi ukuthi ziyikusasa lebhola lethu. “Kodwa-ke. kukhona konke lokho, ngiyathembisa kubalandeli ukuthi sizobanika umdlalo oseqophelweni eliphezulu,” kusho ukhune.