‘SIMAPEKETWANE ISIMO’ KWI-PMB UNITED EDONSA KANZIMA

SIMAPEKETWANE isimo kwimaritzburg United eqede unyaka odlule idonsa kanzima kwimotsepe Foundation Championship (MFC).

Iteam of Choice ishovele kulesi sigaba emuva kokudliwa yimbazo kwidstv Premiership ngokuphela kwesizini edlule.

lithole ukuthi izinto kazihambi kahle kule kilabhu njengoba kuthiwa abaphathi sebewabona emancane amathuba okubuyela esigabeni esikhulu.

Kuthiwa sebeqalile ukuzama ukwehlisa izindleko zokuphathwa kwale kilabhu, okubalwa nokwehlisa imiholo yabadlali.

Kubikwa ukuthi kubadlali abangase behliselwa imiholo kubalwa uzukile Kewuti, usiboniso Conco, ubrian Hlongwa nobayzel Goldstone osanda kuyijoyina, utsepo Gumede nojudas Moseamedi okuvela ukuthi akakaqali ukujima neteam of

Choice.

Imizamo yokuthola ufarook Kadodia ongumnikazi weteam of Choice, iphunzile njengoba ucingo lwakhe luqale lwangena kodwa wacela ukubuye athintwe. Eseshayelwa ubengasalubambi.

lixhumane nesouth African Football Players Union (Safpu) emelwe ngumlungiseni “Gigi” Masinga kulesi sifundazwe, uthe nakuba bezwe amahemuhemu kodwa balinde ukubikelwa ngabadlali okuyibona abangamalungu abo kuyima bethatha izinyathelo.

Kuyindaba eyaziwayo ukuthi kakuyona iteam of Choice kuphela ebhekene nenkinga yemali.

Enye yamakilabhu abhekene nesomiso senkece, yimoroka Swallows engene ehlazweni itelekelwa ngabadlali, okwenze kwabhuntsha imidlalo yayo emibili yedstv Premiership - okungowemamelodi Sundowns nelamontville Golden Arrows.

Ngalesi senzo, iswallows ibizwe YIPSL ukuvela ekomidini layo lokuqondiswa ubugwegwe kanti nesafpu iyilinde ngamehlo abomvu.

Le kilabhu evuswe seyishoveleke ngisho kwi-abc Motsepe League, ibhekene nale nkinga nje, iyiqale kahle imidlalo yale sizini nokho izinto zajika endleleni.