Sekubhekwe isinqumo SE-ICJ kolwe-israel neningizimu Afrika
Bathi basempini yokuzivikela hhayi ukuqotha amapalestine 'okuyiwona aqala impi'
Nbekulindelekile,JENGOBA i-israel izichithile kwi-international Court of Justice (ICJ) ehague, enetherlands, izethulo zeningizimu Afrika ezibeke ezithebeni zale nkantolo mayelana nempi eqhubekayo phakathi kwe-israel nepalestine.
Ngolwesihlanu i-israel yenze izethulo kwi-icj, yaphikisa isimangalo seningizimu Afrika sokuthi okwenziwa yi-israel egaza kuwukuqotha ngenhloso yokuqeda nya (genocide) ngabantu basepalestine.
Udkt Tal Becker ongumeluleki emnyangweni wezangaphandle kwa-israel - enza isethulo kwi-icj ubalule ukuthi i-israel iyazivikela kule mpi, wathi ukufa kwabantu kuyadabukisa. Utshele inkantolo ukuthi i-israel isempini yokuzivikela kwihamas, kakukhona ukuthi ihlose ukuqothula abantu basepalestine.
Njengamanje babalelwa ngaphezu kuka-20 000 abantu basepalestine asebebulewe, kanti abalimele babalelwa ngaphezu kuka-50 000. Ubecker uthi isicelo seningizimu Afrika kwi-icj sokuthi i-israel ihoxise amasosha ayo asempini egaza, siphuca i-israel ilungelo layo lokuzivikela.
Uqhube wathi ngomhla ka-7 kumfumfu (October) nyakenye, ihamas yagasela kwa-israel ngenhloso yokuqotha, ukuhlukumeza, nokudlwengula abantu bakwa-israel. Usole iningizimu Afrika ngokuthi kayiphawuli lutho ngenhlekelele yesimo sempilo yabantu bakwaisrael. Uphinde wasola iningizimu Afrika ngokuthi sekunesikhathi eside itu-sa ubudlelwano bayo nabaholi behamas.
Abameli bohlangothi lakwa-israel bebeholwa ngusolwazi Malcolm Shaw. Nabo bakhiphe amangwevu
bephikisa isimangalo seningizimu Afrika. Kwingqikithi yezethulo zabo bazame ukuvezela inkantolo ukuthi okwenziwa yi-israel egaza kuwukuvikela abantu bayo ekuhlaselweni yihamas. Batshele inkantolo ukuthi kuyamangaza ukuthi ezethulweni zeningizimu Afrika, kayiphawulanga okutheni ngehamas, kodwa ithe halamuzi.
Ethimbeni labameli baseningizimu Afrika bekuboshelwe usolwazi
John Dugard, ummeli wasemajajini utembeka Ngcukaitobi (osesithombeni
esingezansi), usolwazi Max du Plessis, nommeli wasemajajini u-adila Hassim. Sekulindelwe ingqayizivele yesinqumo SE-ICJ ngesimangalo seningizimu Afrika. Le nkantolo kayilumemezelanga usuku ezokhipha ngalo isinqumo. Uma kwenzeka iningizimu Afrika inqoba lapha, kungenzeka ukuba i-israel ihoxise ukuhlasela kwayo egaza. I-israel iphethe ngokunxusa I-ICJ ukuba isichithe lesi simangalo seningizimu Afrika, futhi ilikhiphe leli cala ohlwini lwamacala. Inkantolo isigodlile isinqumo sayo.
Ijaji ujoan Donoghue ophinde abe ngumengameli wale nkantolo, uthe izinhlangothi ezithintekayo zizokwaziswa ngokuhamba kwesikhathi ngosuku okuzokhishwa ngalo isinqumo.