IGXEKA UHULUMENI WASENINGIZIMU AFRIKA INHLANGANO YAMAJUDA
INHLANGANO yamajuda eningizimu Afrika, isouth African Jewish Board of Deputies (SAJBD), ithi uhulumeni waseningizimu Afrika uhlanekezela iqiniso ngokusola i-israel ngecala lokuqothula abantu basepalestine.
Usolwazi Karen Milner ongusihlalo WESAJBD, uthi isimangalo seningizimu Afrika singahunyushwa njengenzondo nokubandlululwa kwamajuda.
Uthi nakuba kuyishwa okwenziwe yiningizimu Afrika kodwa kakumangazi uma kubhekwa ubuhlobo baleli nehamas.
Uqhube wathi ukubandakanywa kwalowo owayengumholi we-uk Labour Party umnu Jeremy Corbyn, ethimbeni laseningizimu Afrika ebelijutshwe ukuyomela izwe kwi-icj, kuqinisekisa uvalo abebevele benalo ngenhloso kahulumeni waseningizimu Afrika yokumangalela i-israel.
Umilner uthi ucorbyn waxoshwa kwilabour Party ngenxa yenzondo nokubandlulula abantu bakwa-israel.
“Ubuye ‘ancome’ ubungani bakhe nehamas. Lokhu kusho lukhulu ngenhloso yeningizimu Afrika,” kusho umilner.
Uqhube wathi amajuda emhlabeni jikelele asho ngazwi linye ukuthi lesi simangalo seningizimu Afrika sisuselwe enzondweni ebhekiswe kumajuda. Uthi njengoba iningizimu Afrika yasola i-israel ngecala lokuqotha abantu emuva kwesonto ihamas iqale le mpi, kuyinkomba yokuthi yayivele isiyahlulele i-israel ngokuthi inecala ngaphandle kokubhekisisa isimo.
Uqhuba uthi kulelo sonto futhi umengameli wezwe (Cyril Ramaphosa) wehlulekile ukugxeka ukuhlasela okunonya kwehamas kwa-israel.
Ngokusho kukamilner, ukungayisoli ihamas ekubandakanyekeni kwayo ekufeni kwabantu kwa-israel nasegaza kukhombisa ukungaqondisisi ngokuphelele ingxabano eqhubekayo.
I-SAJBD ibuza ukuthi kungani uramaphosa engazange azibone enesibopho sokuba iningizimu Afrika ibambe owayengumengameli wasesudan umnu Obar Al Bashir ngesikhathi evakashele eningizimu Afrika njengoba wayelahlwe yi-international Criminal Court (ICC) ngamacala okuqotha abantu. I-SAJBD iphethe ngokuthi iyadabuka ngokufa kwabantu.
“Nathi sifisa kakhulu ukuthi kube nokuthula futhi sizokweseka zonke izinhlelo ezizoletha isixazululo. Yihamas eqale le mpi. Yihamas engayiqeda. Iningizimu Afrika ingaba neqhaza ekwelekeleleni kulokho (kuqedwa kwempi),” kusho umilner.