Ubalisa 'ngebhanoyi' eliphahlazeke no-r277 000 abewutshalile
Umnikazi wenkampani kuthiwa ufake izithombe, etetemuka nomyeni eholidini
UYAZISOLA owesifazane kuphahlazeka ‘ibhanoyi’ nor270 000 abewuqongelela ngokudayisa izimpahla zokugqoka, abewutshale nomfowabo enkampanini i-uminathi Financial Solutions, ephethwe ngunkk Samukelisiwe Zulu (29) wasemondlo, evryheid.
Unkz Mbatha (33) (ocele ukuba singalisebenzisi igama lakhe ukumvikela emehlweni omphakathi) utshele ILANGA Lempelasonto ukuthi ubetshale u-r277 000 abeyihlanganisa nomfowabo.
Uthi le mali kabazange bayifake iyisamba kepha bebelokhu bephonsa kule nkampani ngoba kungeyomuntu abamaziyo lapho ezalwa khona.
“Ubebuye akhale ngokuthi ulahlekelwe wucingo, noma athi kuvalwe amakhadi akhe asebhange. Ubecela ngiphonse ukuze akwazi ukukhokhela abanye, kodwa sengiyabona manje ukuthi bekuyizaba zokungiqola,” esho.
Uthi uqale ukutshala imali ngo2022, inzalo abeyithola beyisuka ku-r10 000 kuya phezulu.
Uthi bekuya ngokuthi uyifake ngaluphi usuku lwenyanga.
“Uma ngiyifake ngomhla ka-15 enyangeni, bengithola inzalo ngosuku olufanayo enyangeni elandelayo.
“Thina besizitshela ukuthi sixhasa intombazane yasendaweni ngoba ingumuntu othembekile (uma uyibuka), nathi besiyethemba. Yaze yasitshela nokuthi siyazi kubo ngeke isibalekele.
“Ingibulale ngiphila ngoba ngiyazizamela, kangisebenzi. Le mali ebengiyifaka bengisuke ngiyithola ngokuzidayisela,” kubalisa unkz Mbatha.
Kakuyena unkz Mbatha okhala ‘ngokuphahlazeka kwaleli bhanoyi’ nemali yakhe njengoba kungesifanayo nakunkz Lungile Mlambo (30) wasemondlo, othe imali abeyitshalile
ubeyonga selokhu aqala ukusebenza.
Naye uthi wake wahlomula phambilini enzalweni kepha kwashintsha esithubeni.
Le ntokazi ibitshale u-r20 000 obekumele inzalo ibuye isiwu-r38 000 kule nyanga seyihlangene nenzalo.
Uthi ngesikhathi umnikazi wale nkampani eyobhekwa kubo ngamanye
amalungu ngenyanga edlule, kwathiwa usehambile wabuyela egoli.
“Vele uhlala egoli nomyeni wakhe, kodwa ungumuntu ojwayele ukubuya ngoba ikubo lisemondlo.
“Kuthe uma simfonela, walokhu ethembisa ukuthi imali uzoyifaka kodwa kuze kube yimanje kayikangeni,” kusho unkz Mlambo.