Kuminciwe ngemicimbi yokuhlonipha owemambazo
Isimo sezulu esibi sishiye ingqalasizinda ilimele emnambithi
BABAMBE umoya abahleli bomcimbi wokubungaza umsunguli weqembu lodumo lesicathamiya iladysmith Black Mambazo, ozothatha izinsuku ezinhlanu obizwa ngedr Bhekizizwe Joseph Shabalala Marathon, kulandela isimo sezulu ebesingesihle, esihlasele edolobheni lasemnambithi ngeledlule.
Ngokusho kukathulani Shabalala oyindodana kashabalala, nakuba isimo sibukeka sibuyela kwesejwayelekile kodwa kusekhona ukwesaba.
“Nakuba sinakho ukwesaba kodwa sihlalele ethembeni lokuthi kuzoshaya umhla ka-29 kwephezulu konke ukumoshakala okwenzekile sekulungisekile,” kusho uthulani.
Uthi lo mbungazo uzoqala ngomhla ka-29 kwephezulu uze uphothulwe ngesonto lomhla ka-3 kunhlolanja (February) njengoba uzovalwa ngomjaho oqanjwe ngokuthi; ‘Life Is A Marathon, Life Is A Journey’.
“Umjaho yiwona ozobe umkhulu kodwa sizoba nayo imicimbi ezokwandulela wona, okubalwa kuyona i-agriculture Summit, imibukiso yezidlo ezahlukene zesintu, umcimbi wamagosa, imincintiswano yezikole yesicathamiya, umzungezo ozophothulwa enxiweni likababa (Joseph Shabalala) njengoba seliphendulwe indawo yokuheha izivakashi emnambithi,” kuchaza uthulani.
Uthi ngomgqibelo mhla ka-3 kunhlolanja kuzoba nendumezulu yomculo ezogaba ngabaculi abahlukene esettlers Park, khona
emnambithi.
Uthe nakuba bengakaluphothuli
uhlu lwabaculi kodwa umthandeni “igcokama Elisha” Manqele
neblack Mambazo ngabanye abazoshiyelana inkundla kulo mcimbi.
“Sizoba nabo nabaculi bendawo okuzomele sibaqhakambise ngalo mcimbi ukuze nabo bazibonakalise,” esho.
Uthi ngesonto elizayo uhlu olugcwele lwabaculi luzobe seluphothuliwe. Sekuwumlando ukuthi idolobha umnambithi lihlaselwe yisimo sezulu esibi kakhulu kwaze kwagcwala nomfula oseduze nalo, iklip River.
Lesi simo sezulu siphinde sadlula nenqwaba yemiphefumulo njengoba sishiye kukhalwa kweminye imindeni.
Uthulani uthe bayazwelana nemindeni elinyalelwe yimpahla naleyo elahlekelwe ngamalungu ayo ngenxa yalesi simo esigcine siphoqa abanye ukuba bahlaliswe ehholo ngenxa yokulimala kwemizi yabo.
* Khonamanjalo, izinhlangano ezingayenzi inzuzo seziqalile ukuphonsa esivivaneni kwabathintekile, njengoba ithemba Njilo Foundation kukhona izimpahla enikele ngazo ngolwesine ukutakula labo abadinga usizo.