UTHE ROCK UZANYELWA IMPI YE-WBC ETHEKWINI
UZANYELWA impi enkulu uthabiso “The Rock” Mchunu (osesithombeni)
osekunesikhathi eside agcina ukubonakala eringini.
ILANGA Lempelasonto
lithole ukuthi uphromotha - obuye abe ngumzala kathe Rock - unomvelo Magcaba-shezi umhlanganisela impi yesicoco seworld Boxing Council (WBC) silver kwi-cruiserweight noyamil Alberto Peralta wase-argentina.
Le mpi yaleli bhande elingaphethwe muntu ihlelelwa ukuba se-olive Convention Centre, ethekwini, ngomhla ka-2 kundasa (March).
Umchunu, odabuka Kwaximba ecato Ridge emaphakathi kwetheku nomgungundlovu, ugcine ukulwa ngomasingana (January) wangonyaka odlule.
Wehlulwa ngamaphuzu ngendlela eyakhalisa abaningi ebhekene nengqwele yebhande elikhulu LEWBC (green belt)
u-ilunga “Junior” Makabu empini eyayisepackard Music Hall, e-ohio, e-united States of America (USA).
Kwasekungokwesibili umchunu ekhala ngaphansi kulo mlisa wasedr Congo kodwa osehlala egoli futhi oqeqeshwa ngudamian Durandt.
Ngesikhathi bedudulana okokuqala empini yokuhlungela isicoco SEWBC e-international Convention Centre ethekwini ngo-2015, umchunu bamngqimuza ngomzuliswano ka-11.
Kufuze ukuthi leli nxele elingumchunu lizofuna ukushaya into ecokeme uma selibuyela ethekwini ngemuva kokuphoxa izindimbane zabalandeli balo ngaleya ndlela.
Uperalta yena ugcine ukujuluka eringini ngontulikazi (July) wanyakenye ngesikhathi exebula uguillermo Ruben Andino ngomzuliswano wesine empini yesicoco sangakubo e-argentina.
Uma umchunu eyinqoba le mpi uzozenyusela amathuba okuthi aphonse inselelo kunoel Mikaelian wase-armenia ophethe ibhande elikhulu lale nhlangano ebalwa nezine ezinkulu emhlabeni.
Njengamanje umchunu ukleliswe endaweni yesithathu bese kuthi isitha sakhe sihlale endaweni yesine ezilinganisweni.
Impi ezobhulela amazolo eyewbc ethekwini, kuhlelwa ukuthi kubonakale kuyona uthulani “Thulz” Mbenge ozodudulana nesitha sase-argentina empini okuzobe kungabangwa sicoco kuyona.
Umbenge uke waba yingqwele ye-international Boxing Organisation (IBO) esisindweni se-welterweight.
Usesitebeleni esisodwa nomchunu lapho beqeqeshwa khona yizelamani zakwasmith, usean nopeter egoli.
Kuzobuye kuqhathwe nezimpi zezicoco ezimbili zakwazulunatal. Kuvela amagama okubalwa kuwona elika-andile Mntungwa nontethelo “Smiling Assasin” Magcaba kumabhokisa okulindeleke ukuba ajabulise abalandeli ngesibhakela esiqhwiza umentshisi.
Imizamo yokuthola ukuphawula kukanomvelo iphunzile njengoba ekhale ngokuxineka emsebenzini wasesibhedlela. www.ilanganews.co.za*