Lizomelwa yisikwati esiqinile elakuleli eserbia ngondasa
Umqeqeshi katayla ubonga uxhaso abaluthola KWIKZNA
IZOKUBE imelwe yinqanawe yesikwati iningizimu Afrika kwiworld Cross Country Championships ezokuba ngondasa (March) eserbia. Phakathi kwabasubathi okubhekwe ukuba baphakamise ifulegi lezwe kukhona nokabelo Mulaudzi onqobe imijaho eminingi kuleli nyakenye.
Lo msubathi uzohambisana nochris Mhlanga nomathews Leeto abazokube benza ibanga lika-10km.
Kwabesifazane kukhona uglenrose Xaba onomlando, onothile kwezokugijima kuleli, notayla Kavanagh okunguyena kuphela owakwazulu-natal okuleli qembu.
Utayla usanda kugila izimanga enza irekhodi lakuleli ku-5km ngesikhathi egijima kwiworld Athletics Road Running Championships eriga, elatvia.
Kulo mjaho waseliga utayla, osubathela ihollywoodbets Athletics Club, waqopha isikhathi esiwu-15:50.
Abanye abasubathi ababhekiwe kulo mjaho ngucacisile Sosibo, ngukyla Jacobs, ukubala nje abambalwa besifazane abazokube beyibambe ku-10km.
Umqeqeshi katayla u-andrew Booysen uthe ujabule kakhulu ngokuqokwa komsubathi wakhe eqenjini lesizwe.
“Yizindaba ezimnandi ukubona umsubathi osemncane njengotayla eyomela izwe. Naye ujabule kakhulu ngokuqokwa kwakhe.
“Ukuba yingxenye yeqembu lesizwe esemncane kangaka kuzomkhulisa kulo mdlalo,” kusho ubooysen.
Uqhube wathi amalungiselelo ahamba kahle kakhulu.
Ubonge ukwesekwa abakuthole kwikwazulu-natal Athletics (KZNA), ikakhulukazi umengameli wayo usteve Mkasi.
Uthi umkasi wethembise ukuthi uzobasiza ngabakudingayo.
* Selilonke iqembu lakuleli lididiyelwe kanje, kwabesilisa ku-10km: Ngukabelo Mulaudzi, nguchris Mhlanga, ngumathews Leeto, ngunadeel Wildshutt, ngubannet Seloyi, no-andries Sesedi.
Kwabesifazane: Ngukarabo Mailula, nguglenrose, ngutayla, ngucacisile Sosibo, ngukyla Jacobs nolisha van Onselen.
Kwabesilisa ku-u/20 (8km): Ngumsawenkosi Mnisi, ngupheko Zanzile, ngurealoboga Smith, ngucorne De Fouw, ngutseko Thoabala norico Leijenaar.
Kwabesifazane (6km): Ngulimari Dekker, ngulara van der Merwe, ngu-omaatla Dikao, ngupaballo Dlothi no-anaxolo Mcetywa.
Ele-relay elixubile (2km): Ngusimanay Weitsz, ngudanielle Verster, nguchristopher Swart noboukanyo Motlhamme.