Kwicape Verde owebafana
Umonare uthi yize kukhuphukela kodwa wumqansa abangawunqoba
SIVEZA okufanele bakugweme uma befuna ukwehlula izimbangi esezizakhele udumo ngokugoba izinkunzi ezihlonishwayo ebholeni lase-afrika emqhudelwaneni weafrica Cup of Nations (Afcon) oqhubeka e-ivory Coast isilomo seqembu laseningizimu Afrika. Ibafana izobhekana necape Verde kwi-quarter final ye-afcon namuhla ngomgqibelo ngo-22h00.
Lo mdlalo ubhekwe ngabomvu ngabantu baseningizimu Afrika kwazise leli qembu livamise ukuyinika ubunzima ibafana.
Nokho ukwehlula kwebafana, imorocco ngo-2-0 ngeledlule kwi-last 16 kubuyise ithemba lokuthi leli qembu lingahamba lize lifinyelele kowamanqamu.
Ibafana iye kulo mdlalo inganikwa lutho njengoba isigila izimanga.
Ibhekene neqembu elinzima icape Verde ebhajiswe amazwe okuthiwa ayizikhondlakhondla ebholeni lase-afrika. Ivule lo mqhudelwano ngokwehlula ighana ngo-2-1, yabhudluza imozambique ngo-3-0, yabamba nsi i-egypt ngo-2-2 kweyokusonga isigaba samaqoqo.
Ifinyelele kuma-quarter final emuva kokuba yehlule ngo-1-0 imauritania.
Uthabang Monare odlala esiswini kwibafana uveza okufanele bakugweme uma sebebhekene naleli qembu. “Wumdlalo onzima lona esizobhekana nawo, ngesikhathi udlulela phambili kulo mqhudelwano namakilabhu obhekana nawo aya ngokuba nzima. Sibabonile bedlala bayiqembu elisebenza kanzima futhi elizinikelayo kwelikwenzayo. “Okufanele sikwenze wukuthi singabavumeli bakhe amathuba ngoba ithuba elilodwa abalitholayo balibeka enethini bese kuba nzima ukuthi ubavule emuva. “Nathi-ke kuzofanele sikuqinisekise ukuthi amathuba esiwatholayo siyawavalela enethini ngoba kulesi sigaba iphutha alifuneki, elilodwa nje olenzayo uphumile alikho ithuba lesibili uyahamba. “Kodwa-ke nginethemba lokuthi sizowunqoba lo mdlalo indlela esizimisele ngayo uyabona ukuthi likhona ithemba kuthina sonke, siyabona manje lapho esiphokophelele khona,’’ kusho umonare. • South Africa 1-2 Cape Verde. • Cape Verde 2-1 South Africa. • Cape Verde 1-2 South Africa.
• South Africa 2-1 Cape Verde. final.