Kubuya imidlalo yeshashalazi esuselwa ezincwadini zika-matric
UMLINGISI weshashalazi nomabonakude ukhaya Ngema, uthi ikhuza ibuya imidlalo esuselwa ezincwadini zikamatikuletsheni njengoba kuqala unyaka.
Le midlalo uyenza ngaphansi kwekhayalamangema Artist Productions. Le midlalo igubha iminyaka ewu-20 selokhu yaba khona.
Uthi kulo nyaka uzoba nendlela yokubuyisela emphakathini. Lokhu uzokwenza ngokuthatha abafundi abebefunda umatikuletsheni abenze ingxenye yale midlalo.
“Iningi seliyazicula lezi zincwadi ngoba bazifunda futhi baba senhlanhleni yokusibona sizilingisa bukhoma. Manje sekuzoba yithuba labo lokufundisa abanye ukuze nabo bakwazi ukuzibamba, kuthi kuqambe kushaya ukuhlolwa kukanhlolanja (February), sebeyazikhumbuza nje kuphela,” esho.
Phakathi kwezincwadi ezilingiswayo, imy children my Africa!, Impi yabomdabu isethunjini, kube yizindatshana ezimfushane zesingisi, ithe class Act, A girl who can, itriumph in a voice of adversity nezinye, kanjalo nezinkondlo zesingisi okuyi-inversnaid, You laughed you laughed you laughed nezinye.
“Siphinde sibe nesigamu esiba sekugcineni lapho sithatha khona imibuzo, kucaciselwe abafundi. Uma kunesidingo kuleyo ngxenye abangayizwanga, siyakwazi ukuyiphinda ukuze bayiqonde kangcono.
Uthisha unendima enkulu ekilasini, nami ngapha njengomlingisi wezeshashalazi nabanye abalingisi, sineqhaza lokwenza lezi zincwadi zibe yisithombe emqondweni womfundi ukuze akhumbule kalula,” esho.
- Le midlalo izokuba kulezi zindawo:- Mhla ka-12-13 kunhlolanja imidlalo izobe isefoderville Hall;
- Mhla ka-14-15 kunhlolanja isewinterton Hall;
- Mhla ka-16 kunhlolanja eladysmith Civic Centre;
- Mhla ka-19 kunhlolanja
eshowe Sunnydale Hall;
- Mhla ka-20-21 kunhlolanja Olundi Multi purpose Hall;
- Mhla ka-22-23 kunhlolanja Kwanongoma Multi Purpose Hall;
- Mhla ka-26-27 kunhlolanja enqutu VA Nakhona Hall;
- Mhla ka-28 kunhlolanja kuya kumhla ka-1 kundasa (March) enewcastle Richview Hall;
- Mhla ka-2 kundasa evryheid Bhekuzulu Hall;
- Mhla ka-5-6 kundasa epietermaritzburg Grange Hall.
Ungema uthi banxenxa izikole ukubhukha kusenesikhathi ngoba indawo yokuhlala ibaliwe. Ukubhukha ungasebenzisa le nombolo yasehhovisi ethi: 083 475 7032 noma uthumele i- email ku: khayangema2@ gmail.com