UKHUNE 'UCATHANYELWA' YI-SUPERSPORT UNITED
ICATHAMELA umdlali wekaizer Chiefs osehlale iminyaka kule kilabhu isupersport United engenye yamakilabhu ahlale eshisisa umbango kwidstv Premiership.
ILANGA Lempelasonto lihoshe ngemithombo yalo ukuthi Amatsatsantsa acathamela u-itumeleng Khune (36) ongunozinti wechiefs okuvela ukuthi imanqika ukwelula inkontileka yakhe njengoba iphela uma kusongwa isizini.
Ukhune ujoyine isikwati esikhulu sechiefs ngo-2004 esuka enkulisa yayo.
Selokhu afika ebholeni elikhokhelayo akakaze agijime kwenye ikilabhu.
Kula masizini ambalwa edlule udonsa kanzima njengoba isikimu esizwa ngendaba.
Ziphinde zambhedela kakhulu izinto kule sizini njengoba etholwe enecala lokufika emsebenzini enuka izimbiza zikafaro. Usamisiwe emsebenzini. Kuthiwa kunohlelo lwale kilabhu aluhambayo lokuhlunyeleliswa isimilo, akajimi nabanye abadlali.
Ichiefs yenze okungalindelekile ngolwesine ivuselela izinkontileka zonozinti bayo ubrandon Peterson nobruce Bvuma.
Bobabili belulelwe izinkontileka zabo ngeminyaka emibili.
Nakuba kubukeka ukhune engase ayishiye le kilabhu, emuva kweminyaka ewu-20 ekuyona, kodwa ukubeke kwacaca ukuthi akazuliyeka ibhola.
Uthi ufuna ukudlala aze abe neminyaka ewu-40, nangaphezulu uma kwenzeka
Kuthiwa isupersport ihlela ukumthatha uma kwenzeka ehlukana nezimpofana.
Umthombo waleli phephandaba uthe:
“Isupersport iyamdinga unozinti kwazise imamelodi Sundowns ibatshele ukuthi kufanele ibuyise uricardo Goss ngoba udennis Onyango uzothatha umhlalaphansi uma kuphela isizini.
“Igama likakhune lihamba phambili kubadlali abagaqelwe ngugavin Hunt ongumqeqeshi wesupersport. “Uhunt uyakhole lwa esipiliyonini, ubona lo nozinti engaba wusizo kwezakhe.
“Okwamanje kabakwazi ukumthinta, babheke isimo sakhe kwichiefs ukuthi sigcina kanjani ngokuphela kwesizini.”
Uhunt uthe ngeke akwazi ukuphawula ngabadlali bamanye amakilabhu.