INGENA EMADODAKAZINI "IMPI" YABACULI BAKAMASKANDI ABABEYIZIMBANGI
KUFUFUSA impi yamadodakazi ababeyizimbangi emculweni kamaskandi, umgqumeni “ibhova Likadikadika” Khumalo, nomtshengiseni “indidane” Gcwensa (abangasekho).
Lokhu kungaboni ngaso linye kuphakathi kukakhon’zogcina Gcwensa ozalwa yindidane, nozibiza ngendodakazi yebhova, ukwenzekile osebenzisana nezinyane Ledlamanzi, ozibiza ngebhovakazi.
Izolo ngolwesihlanu indodakazi yendidane imemezele ukuthi izolishintsha igama ezibiza ngalo emculweni, isizosebenzisa elithi “Indidanekazi”, kanti nezibiza ngeyebhova, eyaziwa ngebhovakazi ecula nezinyane Ledlamanzi, izwakalise ukungajabuli ngalokhu.
Eyendidane ibhale ezinkundleni zokuxhumana ukuthi:
“Nobaba wafika nama-leather kumagic (isihloko se-albhamu yebhova), nombangi babonakala sebefake ama-leather omkokotelo.
“Wafika nogezoo (elinye lamaqembu asungulwa yibhova), nabanye bezwakala sebezibiza ngogezoo Bangempela (iqembu lendidane elalandela), baphelela emoyeni.
“Kwaya kwaya ngafika ngazibiza ngebhovakazi, nawe usuyindidanekazi, hhayi ngathi izoqhubeka la eyagcina khona, umlando uzoziphinda” kusho umbhalo.
Ngakolunye uhlangothi, indodakazi yendidane iphendule kuwona lo mbhalo yathi, “Ungalinge uyinyathele emsileni ngoba ukushunduka kwayo ngeke umelane nayo, uyohlekwa yizwe lonke”.
Ekhuluma NELANGA Lempelasonto ukhon’zogcina, uthi bekuvele kusezinhlelweni zakhe ukuzibiza ngaleli gama.
“Lona nje uyangiphaphela, angazi ukuthi uphazanyiswa yini.
“Mina ngizenzela umculo wami ngendlela yami, njengoba nangesikhathi ngifika emculweni bekuyisifiso sami ukuvusa iqembu likababa ebelaziwa ngezintombi Zamageza, naye engazivusa Izintombi zikamgqumeni uma zazikhona.
“Akukho okufanele kubangwe kulokho,” esho.
Imizamo yokuthola ibhovakazi kayiphumelelanga, njengoba ucingo lwalo belungangeni.
Umgqumeni nomtshengiseni impi yabo yahlukanisa phakathi umaskandi kusukela ngonyaka ka-2004, kwaze kwaba ibhova liyadlula emhlabeni ngonyaka ka-2019.
Izingane zabo sezingenile emculweni njengoba namadodana abo eseyibambile, okungulusanda “ibhova Elincane” Khumalo nosphesihle
“ithole
Lendidane”
Gcwensa. mthobisis@ilanganews. co.za