UMQEQESHI UBALISA NGOKULIMALA KOMDLALI OMQOKA
UYABALISA uclinton Larsen (osesithombeni) ongumqeqeshi wemagesi FC ngokulimala komdlali wakhe omqoka ngaphambi kokubhekana nemarumo Gallants kowemotsepe Foundation Championship (MFC) kusasa ngesonto ngo-15h30 e-isak Steyl Stadium.
Ekhuluma NELANGA Lempelasonto ularsen, uthe nakuba ezokuya kulo mdlalo ngaphandle kukakatlego Molaba abamthathe kwisekhukhune United - amanye amasosha akhe asesimeni esihle ukubhekana negallants.
Lo mqeqeshi unerekhodi elihle kule kilabhu njengoba emidlalweni ewu-18 esadliwe kwemine nje kuphela. Yileli rekhodi elimenza abe nelikhulu ithemba lokuthi amakilabhu asazothwala kanzima ukubadla kungakhathaleki ukuthi basekhaya noma ekuhambeni.
“Sizokulwa kulo mdlalo wegallants. Ngiyazi ukuthi ibuya ekushayeni ivenda FC ngo-1-0 okuzokwenza ukuthi beze kithina begcwele ukuzethemba,” kusho ularsen.
Umpho Maleka ocija igallants uthi kumele bayiqaphele kakhulu imagesi FC ngoba iyingozi. Le kilabhu izokuya kulo mdlalo isiqashe urodney Thobejane ukuba yiphini likamaleka.
* Usiphosethu Ndlabi ongumgadli wemilford FC ezovovana inkani nemaritzburg United kowemfc namuhla ngomgqibelo ngo-15h30 eprincess Magogo Stadium, Kwamashu - utshele leli phephandaba ukuthi yize engeneme ngendlela abadlala ngayo kodwa ubheke ukubhakuzisa inethi kulo mdlalo.
Usahlohle amagoli awu-4 selokhu kuqale isizini akholwa wukuthi asemancane kakhulu kumgadli. Uthe umdlalo neteam of Choice ngeke ube lula njengoba ilwela ukubuyela kwidstv Premiership.
* Imidlalo YEMFC engempelasonto imi kanje: NAMUHLA Ethohoyandou:
Black Leopards vs Platinum City Rovers 15h30.
Eglobal Village: Baroka FC vs Pretoria Callies 15h30.
EGWK Stadium: Hungry Lions vs Venda FC 15h30.
Eprincess Magogo: Milford FC vs Maritzburg United 15h30.
KUSASA
E-olympia: Orbit College vs Casric Stars 15h30.
E-isak Steyl: Marumo Gallants vs Magesi FC 15h30.