I-NPA NEZINHLELO ZOKULANDA ABANYE OFAKAZI E-NAMIBIA KOLWASEPHALA PHALA

I-NATIONAL Prosecuting Authorities (NPA) isezinhlelweni zokulanda abasolwa ababili, abayanyaniswa necala lokulahleka kwemali epulazini likamengameli ucyril Ramaphosa, iphala Phala, elimpopo, okuthiwa babhace enamibia.

Lokhu kuvezwe ngunkk Mashudu Malabi-dzhangi okhulumela INPA elimpopo, izolo ngolwesihlanu, ngemuva kokuba kuhlehliswe leli cala elibhekene nonkz Frolina Joseph, owayengumsizi wasendlini kuleli pulazi, umfowabo undilinasho Joseph, nomnu Imanuwela David osolwa ngokuba ngunqondonqondo ekwebiweni kwale mali engamadola asemelika ($580 000). Bekulindeleke ukuba kuqhubeke ukulalelwa kwaleli cala enkantolo yemantshi yasebela-bela izolo, lahlehliselwa umbasa (April) walo nyaka.

Unkk Malabidzhangi uthe nakuba engeke enabe kakhulu ngalolu daba, kodwa INPA icele imvume yokulanda laba ababili enamibia.

Izolo umshushisi, umnu Nkhetheni Munyai, utshele inkantolo ukuthi umbuso ucele isikhathi esithe xaxa ukuze uphothule ukuqoqa bonke ubufakazi obudingayo kuleli cala.

“Nkosi yenkantolo, phakathi kobufakazi esibuqoqayo, kukhona amarekhodi ezingcingo nama-video. Uhlelo lokuthola lobu bufakazi kalulula njengoba sicabanga, akufani nokusuka uye kumsolwa uyombhalisa isitatimende.

“Siyaphoqeka ukulandela imithetho ukuze sithole ubufakazi esisuke sibudinga,” kusho Munyai.

Ukuhlehliswa kwaleli cala kakwehlanga kahle kubammeli babamangalelwa njengoba beveze ukuthi umbuso ubambezela icala, futhi lokhu okwenzayo kufana nokuhlukumeza amalungelo amakilayenti abo njengoba sekuphele izinyanga ezintathu lingaqali ukuqulwa.

Ummeli kadavid, umnu Kwena

Matlala, ukhale ngokuthi leli cala limise impilo yekilayenti lakhe njengoba seligcinwe esitokisini isikhathi esingangezinyanga ezintathu kungakaqali ukulalelwa kwecala.

Ngonyaka odlule kwaboshwa abasolwa abathathu ababesolwa ngokweba imali elinganiselwa ku-r10 epulazini likaramaphosa ngo-2020.

Imibiko yaveza ukuthi izigebengu zaqale zagqekeza epulazini okungelona, ngaphambi kokwedlulela ephala Phala ngosuku olulandelayo.

Kwabe sekuboshwa laba basolwa. Ufroliana wadedelwa ngebheyili ka-r5 000, umfowabo undilinasho wadedelwa ngekar10 000, kwathi u-imanuwela wagcinwa esitokisini.

Laba babhekene namacala okugqekeza nokweba, bese udavid abe nelokukhwabanisa ngaphezulu.