LIHLEHLELE UMBASA ELOWE-MOJA LOVE
KUHLEHLELE umhla ka-11 kumbasa (April), ukuqulwa kwecala lokubulala nokulimaza impahla elibekwe owayengumethuli wohlelo lukamabonakude, uxolani Khumalo (osesithombeni).
Usolwa ngokufa komunye ababemphenya, bemsola ngokudayisa izidakamizwa, kuqoshwa uhlelo isizok’thola, oludlala kwimoja Love, asakhonjwa indlela kuyona. Ukhumalo ubekwe icala lokubulala umnu Robert Verrie, ngemuva kokuba yena nayesebenzisana nabo ngesikhathi bemphenya, kuthiwa basebenzisa isihluku, wagcina eshonile.
Ukhumalo ubevele enkantolo kamantshi epalm Ridge, egoli, ngolwesine, icala lahlehla ngemuva kokuba abakwamoja Love benga-kwazanga ukunikezela inkantolo i-video ewubufakazi ngokwenzeka ngesikhathi kuqoshwa lolu hlelo.
Lesi sicelo besifakwe ngaphansi komthetho icriminal Procedure Act, evumela abaseshi ukuthi bathole lonke ulwazi noma ubufakazi obukhona abangakwazi ukubusebenzisa.
Ngokobufakazi obuvele enkantolo, lowo onguphathina kavarrie wazibonela ngawakhe ngesikhathi bemhlukumeza. Uhlelo lukakhumalo belungezinye zezinhlelo ezithandwa kakhulu kulesi siteshi njengoba bebehamba iningizimu Afrika yonke, bephenya ngalabo abasolwa ngokudayisa nangokushushumbisa izidakamizwa.
Bebaziwa ngokuzifikela mathupha futhi benezindlela zabo zokuqinisekisa ukuthi lowo abamsolayo, ugcina ekukhiphile lokhu abamsola ngakho.
Umnu Pheelo Vilakazi ongumshushisi kuleli cala, utshele inkantolo ukuthi kunesicelo esifakwe kwabemoja Love ukuthi babanikezele nge-video abayiqopha ngosuku lwesigameko.
“Abemoja Love yibo asebenza lokhu kwanzima ngoba kwanamhlanje besilinde ukuthi bazosinikeza le video. Uma sesisenkantolo, sebethi ngeke bafike, i-video bathe bazoyinikeza umphenyi wecala,” esho.
Umbuso uthi uyakholelwa ekutheni le video izoba nobufakazi obubalulekile kuleli cala.
Khona manjalo abemoja Love sebememezele uxolani Maphanga ukuthi nguyena manje osezoba ngumethuli walolu hlelo. Esitatimendeni abasikhiphe ngolwesihlanu, bathe ngumaphanga oke waba ngumethuli wohlelo ix-repo kusona lesi siteshi osezosakaza uhlelo.