Ubona umqansa omhlalele ocija injejane yepirates
UMQEQESHI weorlando Pirates Reserves ujoseph “Dukuduku” Makhanya (osesithombeni) ukubona kuzokuba wumqansa ukubuya namaphuzu aphelele ekuhambeni uma sebebhekene nenjejane yeroyal AM kowedstv Diski Challenge (DDC) namuhla ngomgqibelo ngo-12h00 eharry Gwala Stadium, emgungundlovu.
Umakhanya - osembangweni ovuthayo wokususa injejane yesundowns esicongweni, ngesikhathi bakhe.
Uthi inkinga enkulu wukuthi injejane ye-am iyavutha.
“I-AM igabe ngabadlali abahle kakhulu, abasizwa wukubuye bajime nesikwati esikhulu,” esho.
Uthi bayawadinga la maphuzu njengoba kucinene utshumo phezulu.
“Kusasele imidlalo cishe ewu-12 kusongwe isizini. Abadlali bami kufanele bazibambe ziqine,” esho.
Lo mqeqeshi ubuye wathembisa abalandeli bebucs ukuthi ubona lesi sikwati anaso kusazophuma abanye abadlali abazokuba wuhlupho kwidstv Premiership bahambe ezinyathelweni zikarelebohile Mofokeng (19) oseqalile ukugila izimanga esikimini esikhulu.
Uncome umofokeng ngokuziphatha kahle, wathi uyahlonipha futhi umbona ezokuya kude kunobhutshuzwayo.
* Komunye umdlalo okhona WEDDC esifundazweni, injejane yamazulu FC izongqubuzana neyesundowns kusasa ngesonto ngo-12h00 esugar Ray Xulu Stadium, eclermont.
* Imidlalo yedstv Diski Challenge (DDC) ihlelwe kanje:
NAMUHLA:
E-old Peter Mokaba Stadium: Polokwane City Reserves vs Stellenbosch FC Reserves 10h00.
Elucas Moripe Stadium: Supersport United Reserves vs Chippa United Reserves 10h00.
Esugar Ray Xulu Stadium: Golden Arrows Reserves vs Swallows Reserves 10h00.
Eharry Gwala Stadium: Royal AM Reserves vs Orlando Pirates Reserves 12h00.
KUSASA:
Emalta Park, ecape Town: Cape Town City Reserves vs Sekhukhune United Reserves 10h00.
E-university of Western Cape: Cape Town Spurs Reserves vs TS Galaxy Reserves 10h00.
Esugar Ray Xulu Stadium: Amazulu FC Reserves vs Mamelodi Sundowns Reserves 12h00.
Echatsworth Stadium: Richards Bay Reserves vs Kaizer Chiefs Reserves 12h00.