UPIKLELWE NGAMA-AMESHA WEHLELA NGEZANSI UMQEQESHI WE-PIRATES
UPIKLELWE ngama-amesha wakhetha ukwehlela ngezansi ujose Riveiro ongumqeqeshi we-orlando Pirates oveze ukuthi uwuthanda ukufa umqhudelwano wenedbank Cup, njengoba ethi umvule amehlo ngebhola lakuleli.
Ibucs izobhekana necrystal Lake kowelast 32 yalo mqhudelwano namuhla ngomgqibelo ngo-15h00 embombela Stadium, empumalanga.
Kubhekwe ukuba ezimnyama zizigwazele ibhece kule kilabhu njengoba idlala esigabeni sama-amesha.
Umengameli wale kilabhu ujoe Mhlanga, upiklele ibucs ngohambo lwabo ukuzofika kulesi sigaba salo mqhudelwano.
Uthi ibucs uma izobathatha kancane, kukhona okusina kuyijeqeza.
“Siyinqobe yowu-9 imidlalo yokuhlungela ukuba yingxenye yalo mqhudelwano.
“Engingakusho wukuthi abafana bami bawulindele lo mdlalo wepirates futhi bagcwele umfutho wokubhekana nekilabhu enkulu eningizimu Afrika.
“Singase sishiye kukhalwa eningizimu Afrika ngale mpelasonto,” kusho umhlanga.
Uriveiro uthe inhloso yabo wukuvikela lesi sicoco sabo abasinqobe nyakenye.
“I-nedbank Cup ngiyayithanda ngoba ingifundise okuningi ngebhola lakuleli.
“Sizilungiselele ngokweqophelo eliphezulu. Sizowuhlonipha lo mdlalo, izitha esizobhekana nazo ngeke sizithathe kancane.
“Ngesizini edlule sibhekane nedondol Stars, i-all Stars nevenda Football Club.
“Yonke leyo midlalo kayibanga lula, yingakho lo mdlalo wecrystal Lake sizowuthatha njengalona esiphuma kuwona wemamelodi
Sundowns ngeledlule.”
* Isiyonke imidlalo esele yelast 32 senedbank Cup imi KANJE:NAMUHLA NGOMGQIBELO Esoshanguve Giant: JDR Stars vs Hungry Lions 15h00.
E-isak Steyl: Platinum City Rovers vs Moroka Swallows 15h00.
Eprincess Magogo: Ravens vs Spain 15h00.
Embombela: Crystal Lake vs Orlando Pirates 15h00.
Eking Zwelithini: Richards Bay vs Polokwane City 18h00.
KUSASA NGESONTO Efree State Stadium:
D'general
vs Madridtas 15h00.
Eprincess Magogo: Maritzburg Utd vs Paarl United 15h00.
Emxolisi Dicky Jacobs Stadium: NC Pro's vs Chippa United 15h00.
E-FNB Stadium: Kaizer Chiefs vs Milford 18h00.*