Uzihola phambili ugatsheni kokamaskandi
Uncoma ukusala kwezimbangi zakhe kulo mbango
UNCOMA ukusala ngaphandle kwabaculi ababili abayizimbangi umculi kamaskandi osaqhwakele emncintiswaneni wemoto iquantum, kwimother of All Maskandi Festival, ozokuba sepeoples Park, emoses Mabhida Stadium, ethekwini mhla ka-6 kumbasa (April).
Ukhuzani “Gatsheni” Ndlovu (osesithombeni) wasentumbane, opongolo, uncome isinqumo sabahleli ngokushiya kwabo ngaphandle umthandeni “igcokama Elisha” Manqele, nokhuzani “indlamlenze” Mpungose kulo mcimbi.
Uthi lokhu kuzobeka nabanye abaculi abanezingoma ezimnandi, ezithandwa ngabantu ethubeni lokuhlomula.
Uthi imiqhudelwano enabo phakathi, kuba uqhude qhude phakathi kwabo bobabili, bese kulimaza nabanye abaculi noma ngabe banezingoma ezimnandi, ezithandwa ngabantu.
“Lo mncintiswano uzosiza kakhulu namanye amaciko ukuthi kube khona akuzuzayo.
“Ngizimisele ngokunqoba kulo mncintiswano ngoba kungangisiza kakhulu ukuze ngingene kolunye uhlobo lwebhizinisi lezokuthutha, ngingathembeli emculweni kuphela ngoba mhlawumbe kangisoze ngishaye ama-hit (amanoni) unyaka nonyaka,” kusho ugatsheni.
Uthi kuyona yonke imicimbi ahamba kuyona, akakhohlwa wukukhankasela ukuwina le Quantum.
Uthe umkhankaso wakhe ujule kakhulu ngoba nabantu uma becela ukushutha naye, uyabacela ukuba mabamvotele kuqala, bese beyashutha-ke.
“Abantu bayangithembisa kakhulu ezinkundleni zokuxhumana ukuthi bayangivotela, bafuna ngiyithathe le moto,” esho.
Umgqugquzeli walo mcimbi umnu Eric Ngobe uthi, nabaculi abazonandisa kulo mcimbi, kuzoba ngabasohlwini lwetop-30 yokugcina ezokhishwa esontweni lokugcina ekupheleni kwenyanga.
“Ukunqoba komculi nokungena kwakhe emcimbini, kulele kuyena ngokukhankasela ivoti,” kusho ungobe.
Uthe umculi ozolala isibili, uzokhokhelwa ngokuphindwe kabili imali yakhe yokunandisa emcimbini.
Uthe nakuba bengekho ohlwini lwabaculi abaqhudelanayo, ukhuzani negcokama Elisha, kodwa bazobe bekhona emacikweni azonandisa ngosuku lomcimbi.
Lo mcimbi wesekwe wumsakazo ukhozi FM, yiphephandaba ILANGA nabakwavib Mobile.
Uhlu lokuqala lokuvotelwa kwabaculi abahamba phambili lwakuleli sonto lumi kanjena (100%):
-Gatsheni (35.5%)
-Menzi (5.6%)
-Amageza Amahle (4.99%) -Dumakahle(4.29%)
-Mfezi (4.4%)
-Tornado (3.15%) -Amadodana entandane (2.82%) -Skhenqe (2.79%)
-King Nuba (2.71%)
-Qhosha (2.45%) -Amavukela Mbuso (2.4%) -Bhacelihle (2.08%) -Amasoka amahle (2.06 %) -Solwazi (1.94 %) -Zondwayo (1.89 %) -Ezechalaha (1.82 %) -Thubhobho (1.78 %)
-Bhasini lamula (1.63 %) -Skhala Nene (1.62 %) -Somatekisi (1.46 %)
-Gadla (1.45 %)
-Mdumazi (1.42 %) -0mhlabuhlangene (1.36%) -inkosi Yamagcokama (1.31%) -Mahostela (1.3%)
-Mzukulu (1.28%) -Mashelela (1.26%) -Zinjaziyamluma (1.16%) -Mntuyenziwa (1.06%)
-NND Internation (1.02%) mthobisis@ilanganews.co.za