ISIQALILE IMIHLANGANO YOKUQOKWA KWEZIGUNGU EZIZOMELA IZIKOLE
yokukhethwa kwezigungu zabazali.
“Lokho kusiza ekutheni wonke umuntu kungacindezelwa ilungelo lakhe uma sekubekwe imithetho yesikole. “Siyawuncoma kakhulu umsebenzi owenziwe yizigungu eziphumayo njengamanje ezikhundleni. Lokho kubonakale ngemiphumela emihle ekhiqizwe yizikole zethu.
“Ucwaningo-ke luveza ukuthi izigungu zabazali ezibambisene kahle, lokho kuzala imiphumela emihle ekufundiseni nemiphumela etholakala esikoleni,” esho.
Ihlandla lezigungu ebeziphethe ezikoleni, liyaphela kule nyanga. Umnyango wezemfundo ubeke umyalelo wokuthi ukhetho olusha lwezigungu luqala ngolwesihlanu mhla ka-1 kundasa (March) kuze kuphele inyanga.
Ungema uthi othisha bayakujabulela ukusebenzisana nezigungu ezibesekayo emsebenzini abawenzayo.
“Yingakho sinxusa ukuthi abazali mabaye ngobuningi babo emihlanganweni yokuqokwa kwezigungu ezintsha. “Izigungu ezifakela ingcindezi othisha nothishanhloko, zenza kungasebenzeki ezikoleni.
“Kufanele izigungu ziqinisekise ukuthi imithetho eziyibekayo, yenza abantwana baphatheke, ingaphazamisi ilungelo lengane lokuba ifunde,” esho.
Uthi abazali akufanele bangazibandakayi ezindabeni zokuphathwa kwesikole.
Ngakolunye uhlangothi unobhala wesouth African Democratic Teachers’ Union (Sadtu) Kwazulunatal, unkz Nomarashiya Caluza, uthi iqhaza labazali libaluleke kakhulu ezikoleni.
Uthe abazali abathande izikole, zifane nemizi yabo.
“Abazali kufanele bashaye imithetho efunwa yibona, abazovumelana ngayo ukuze ngelinye ilanga kungabi bikho abazoba nenkinga uma ingane isiphambana nokuvunyelwene ngakho.
“Siyanxusa abazali ukuba basondele ezikoleni,” kusho unkz Caluza.