Ufisa ukuthengela abazali bakhe isithabathaba
Usolomons uthi uzibona egijima kwibafana
UHLELA ukubonga abazali bakhe ngesithabathaba somuzi umdlali wekaizer Chiefs ebhinjelwa yizinto kwidstv Premiership. Udillan Peter Solomons (27) udabuka esteenberg ekapa.
Ufunde amabanga aphansi ezwaanswyk nasesteenberg High School, lapho ephothule khona umatikuletsheni.
Emuva kokuphuthula udlulele efalse Bay College, ewestlake, wenza izifundo zefitting & Turning.
Uthi uqale ukudlala ibhola eneminyaka eyisithupha, wagijima emakilabhini okubalwa kuwo igreenwood FC, i-old Mutual Academy, isantos FC kagoolam Allie nemilano United.
Sekuwumlando ukuthi uke wayibamba nakwiroyal Eagles iminyaka emibili, isaphethwe ngusbusiso Mpisane.
Usuke kuyona wadlulela kwistellenbosch FC nakwicape Town All Stars.
Uke wagijimela iswallows FC isanda kukhuphukela kwidstv Premiership, ngaphambi kokuqoma izimpofana.
Ingxoxo kasolomons NELANGA Lempelasonto (I/L)
ngempilo yakhe yangaphandle kwenkundla ihambe kanje:
I/L: Kawusithi fahla-fahla ngokukhula kwakho, esteenberg.
Solomons: Ngiphuma emndenini obungeswele, abazali bami basebenze kanzima ukusibeka kuleli zinga esikulona.
Ngaphandle kwabo ngabe izinto kazilunganga, badlale enkulu indima empilweni yomndeni uwonke.
I/L:- Nibangaki kwenu?
Solomons: Sibabili, kuqala udadewethu omdala ukaren Johnson.
I/L: Usuthathile?
Solomons: Yebo. Ngisanda ukushadelwa ezinyangeni ezimbalwa ezedlule ngujade Harrissolomons.
Kumqoka ukuthatha ukuze ungachezuki ezintweni ezimqoka empilweni kwazise incane impilo yebhola emhlabeni wonke. Kumele uhlanganise izinto isikhathi sisekhona. Sibusiswe ngentombazane umia Cora Solomons ofike emhlabeni mhla ka-26 kumbasa (April) ngonyaka odlule.
I/L:- Ungumuntu onjani?
Solomons: Ozithobile futhi ohloniphayo. Ngiyazinikela emsebenzini wami engiwenzayo. Ngiyabanqena abantu abaningi.
I/L:- Uthanda kudla kuni?
Solomons: Ngiyazifela ngelasagne.
I/L:- Uphatha nhloboni kamakhalekhukhwini?
Solomons: Ngisebenzisa i-iphone 14 ekwenza konke engikudingayo ocingweni.
I/L: Ukhona ezinkundleni zokuxhumana?
Solomons: Yebo. Ngisebenzisa i-instagram netwitter kuphela uma ngifuna ukuzwa imizwa yabalandeli nokuhleka.
I/L: Basaphila abazali bakho?
Solomons: Yebo, ngizalwa ngutimothy nomaslene Solomons, abayikho konke empilweni yami.
I/L:- Usebenzisa siphi isiqholo?
Solomons: Ngithanda ichristian Dior ngoba inuka kamnandi.
I/L:- Yiliphi izwe ofisa ukulivakashela ngelinye ilanga?
Solomons: Ngeke ukholwe ukuthi ngithanda izindawo zangasekhaya ecape Town. Itable Mountain namanje isangiphatha kahle uma ngivakashele ngakhona.
I/L:- Yini into yokuqala oyenzayo uma uvuka?
Solomons: Wukuvuka ngiguqe ngamadolo, ngibonge umdali ngakho konke angenzela khona nenginakho empilweni yami, ngaphambi kokudla isidlo sasekuseni.
I/L:- Usontaphi?
Solomons: Enew Apostolic Church, ecape Town.
I/L:- Yimuphi umdlalo othanda ukuwubuka kumabonakude?
Solomons:
Ngithanda ininja & Turtles. Ngithanda nokudlala i-game yakhona ukuchitha isizungu.
I/L:- Uthanda luphi uhlobo lomculo?
Solomons: Ngiyazifela ngehip Hop, ikakhulu umculo karod Wave.
I/L:- Yimuphi umbala owuthandayo?
Solomons: Wumbala obomvu ngoba ngikhonze izinto ezigqamile.
I/L:- Yimaphi amakhokho owasebenzisayo?
Solomons: Yinike.
I/L: Uhamba ngamotoni?
Solomons: Yipolo TSI. Ngiyazithanda futhi izimoto, ikakhulukazi ibugatti nakuba iwuhlobo oluphambili.
I/L:- Yisiphi isilwane osesabayo?
Solomons: Yinyoka.
I/L: Yiliphi iphupho osafisa ukulifeza ngaphambi kokuba ubeke amakhokho ethala?
Solomons: Wukuqhubeka nokwenza kahle ngizibone ngingena nakwibafana Bafana.
Ngifisa nokuya phesheya kwezilwandle.
Ngifisa nokubonga abazali bami ngokubathengela umuzi
omkhulu.
I/L: Bunjani ubudlelwano bakho negn Sports Agency kagrant Niewenhuys?
Solomons: Buhle kakhulu. Sisuka kude naye, ufana nobaba kimi. Yingakho inkampani yakhe ikhula iminyaka yonke, uhlale eseduzane nabadlali bakhe.
I/L:- Uthini umyalezo wakho owubhekise entsheni?
Solomons: Kumele intsha ibe namaphupho futhi iphokophele ngoba izinto kazifiki kalula empilweni, kufanele isebenze kanzima.
Kuyiphupho lami ukuba indawo engikhule kuyona ikhiqize abadlali abasezingeni eliphezulu.
Intsha mayingakhohlwa ukuya esikoleni ukuze ithuthuke.