BATHANDAZELA UKUDLALISWA NGONONDWEBA ABANONEMBEZA KOWE-PSL

UKHOLWA wukuthi isipiliyoni esiza nogift Motupa (29) ophuma kwimamelodi Sundowns sizokwazi ukubawelisela ekhenana udan “Dance” Malesela ongumqeqeshi webaroka FC ezovovana inkani nemagesi FC kowemotsepe Foundation Championship (MFC) kusasa ngesonto ngo-15h30 e-old Peter Mokaba Stadium, epolokwane.

Umalesela (osesithombeni) utshele

Lempelasonto

ukuthi yize engakasithathi isinqumo mayelana nokuzokwenzeka enkundleni kepha ukusayinisa kwabo umotupa kuzobasiza kakhulu.

“Iqiniso limile, umotupa uqale kuleli sonto ukujima nekilabhu, kusafuneka ajwayele abadlali neligi esidlala kuyona kwazise yizinkunzi ezimbili ezingefani. Kubalulekile ukuba sizishayele thina (imagesi FC) futhi nabadlali bayazi ukuthi konke kulele kubona.

“Ngithandazela ukuthi sinikwe unondweba ozokuba neqiniso nonembeza ukuze onqobayo kube yikilabhu efanele.

“Ngibhekene nomqeqeshi esazanayo naye (uclinton Larsen) indlela esidlala ngayo. Yingakho kungeke kube wumdlalo olula, kufanele siwajulukele amaphuzu agcwele alo mdlalo,” kusho umalesela ofike nozinzo kwibaroka.

Ularsen uthe kumqoka ukuthola wonke amaphuzu, baqhubeke lapho abagcina khona ngomzuliswano wokuqala.

* I-university of Pretoria izolwela ukungasuki esicongweni uma isivakashela iplatinum City Rovers kowemfc kusasa ngesonto ngo-15h30 e-isak Steyl Stadium. Lo mdlalo ubukeka uzonika amakilabhu asembangweni weligi isithombe esicacile ngekusasa lawo kule mpi.

* Isiyonke imidlalo YEMFC engempelasonto imi kanje: NAMUHLA:

Esoshanguve: JDR Stars vs Upington City 15h30.

Esolomon Stadium: Casric Stars vs Black Leopards 15h30.

E-TUT: Pretoria Callies vs Marumo Gallants 15h30.

Ethohoyandou Stadium: Venda FC vs Orbit College 15h30.

KUSASA:

E-isak Steyl: Platinum City Rovers vs University of Pretoria 15h30.

E-old Peter Mokaba: Magesi FC vs Baroka FC 15h30.