Injabulo kubathandi bamankomane bakwazulu-natal
Zikhuza ibuya izimpi emuva kwesikhathi eside
YINJABULO kubathandi besibhakela Kwazulunatal njengoba kubuya imiqhudelwano yezimpi ngemuva kwesikhathi eside kubhoke indlala yamankomane.
Ngaphandle kwendlala yezimpi, abathandi balo mdlalo bebedunguza ebumnyameni, bengazi ukuthi kuzoliwa nini njengoba ukusebenza kwebhodi elisha leboxing South Africa (BSA) kusamisiwe.
Lokhu kweza ngemuva kokuba inational Professional Promoters Boxing Association (NPPBA) ifake ungqongqoshe wezemidlalo uzizi Kodwa enkantolo iphikisana nokuqoka kwakhe ibhodi elisha.
Le nhlangano ikhala ngokuthi ukodwa akayilandelanga imigudu efanele ngesikhathi eqoka leli bhodi ngasekupheleni konyaka odlule.
Ophromotha bebephithene amakhanda, besabela nokuthi kuzobhuntsha imali yoxhaso abesebeyitholile kwazise belingekho ikomiti elikhipha izincwadi (sanctioning committee) ezigunyaza ukuba umqhudelwano udlalwe.
Nokho kubukeka sekuhamba kahle yize ukodwa NENPPBA bengakasitholi isixazululo.
Ngesonto eledlule Kwamashu isibhakela besiqhwiza umentshisi, abalandeli abebephume ngobuningi ukuzobuka izimpi bagoduke bebheme bakholwa.
Ilightning Promotions ibihlele izimpi eziyisishiyagalombili. Empini yosuku umfana wendawo usiphelele Myeza uphoxile ngesikhathi ehlulwa ngamaphuzu nguthami Luthuli embangweni wesicoco SEKZN mini flyweight ebesingaphethwe muntu.
Ngomhla ka-22 wale nyanga undasa (March) amabombo azobheka e-olive Convention Centre, ethekwini, lapho imvelo Boxing Promotions ihlele indumezulu yomqhudelwano.
Uphromotha unomvelo Magcaba-shezi uqhathe umzala wakhe uthabiso
“The Rock”
Mchunu noyamil
Alberto Peralta embangweni webhande leworld Boxing
Council
(WBC) silver cruiserweight.
Umchunu ugcine ukubonakala eringini ehlulwa yingqwele YEWBC u-ilunga “Junior” Makabu ngendlela eyakhalisa abaningi e-united States of America (USA), eminyakeni emibili edlule. Kuzosukwa ethekwini kuyiwe etown Hall yasemtshezi emqhudelwaneni oqanjwe ngokuthi yiqhude Manikiniki, ohlelwe yihle-jobe Promotions ngomhla ka-30. Emtshezi umxolisi Zuma uzovikela isicoco seworld Boxing Federation (WBF) junior featherweight kuabdullah Ramadhan Milanzhi wasetanzania. Ulindelani “Bram” Sibisi yena uzolwela esewbf no-ally Said wasetanzania esisindweni se-featherweight. Zombili lezi zimpi zihlelelwe imizuliswano eyishumi. Njengenjwayelo, uhlengiwe Dladla ongomunye wophromotha basekzn abafike ngomfutho kulo mkhakha, uqhathe nabafana abafikayo kulesi sigaba asebekhombise ukushisa besuka esigabeni sama-amesha.