Kuputshuka eyokungenami kukaguluva ngechiefs

Umqeqeshi uxolisela abadlali kubalandeli nakubaphathi

KUPUTSHUKA ezithi seyimumi emphinjeni eyokushaya udaka kwekilabhu yakhe usihlalo wekaizer Chiefs, ukaizer “Shintsha Guluva” Motaung njengoba kuvela ukuthi uzwakalise ukuthi ufuna ukubona ushintsho ngokushesha kungenjalo kukhona ibhantshi elizogcwala umoya kubona.

Ichiefs izobhekana nemoroka Swallows kowedstv Premiership namuhla ngomgqibelo ngo-17h45

EFNB Stadium, esoweto.

Lo mdlalo ubhekwe ngo-5-4 wamaphenathi emuva kokuba umdlalo uphele zibambene ngo-0-0.

Leli phephandaba lihoshe ngemithombo yalo ukuthi umotaung usekhathele wukuba yinhlekisa kwezakhe, ufuna ukubona ushintsho ngokushesha kungenjalo izinyawo zizogcwala udaka kwabathile. Kuthiwa akeneme neze ngokuzinikela okukhonjiswa ngabanye abadlali nangezinye izinqumo ezibuye zenziwe yithimba labaqeqeshi.

Ucavin Johnson ololonga ichiefs, uxolisile kumotaung ngalesi simo esibhekene nekilabhu yakhe.

“Akukho neze mnandi ukuhlulwa emdlalweni ngaleya ndlela, yingakho kumqoka ukuthi ngixolise kubalandeli. Ngidlulisa okukhulu ukuxolisa kusihlalo wekilabhu ngokungakwenzi okufanele engabe siyakwenza. Yizinto ezenzekayo ebholeni, ngebhadi kuphinde kwasenzakalela nonyaka.

“Abadlali bebengekho esimeni esihle emuva komdlalo wemilford, kusithathe amahora mhlawumbe izinsuku ukuyedlulisa yonke le nto. Kodwa-ke ngikholwa wukuthi sesidlulile manje kokwenzekile ngoba kakufanele ugebise ikhanda lakho isikhathi eside.

“Njengoba isimo sinjena nje, imidlalo icinene, konke kufanele kudlule ngokushesha ukuze siye kulo mdlalo weswallows sisesimeni esihle,” kusho ujohnson.

Uthi kabawuthathi neze kancane lo mdlalo ngoba nakhu iswallows ike yahaqwa yizinkinga.

“Isifundo esisifundile kwimilford FC wukuthi ungalinge ulithathe kancane ibhola emuva kwale nto esenzakalele ngeledlule. Uma uyichiefs uhlale ukulindele ukuthi izimbangi zizoza ngomfutho ophindiwe okuyinto enzima uma ungumdlali wayo noma usebenzela yona. Kodwa-ke sizozama ukuwaphendula amatafula uma sesibhekene neswallows,” esho.

Isiyonke imidlalo yedstv Premiership ezogijinywa ngale mpelasonto iqhathwe KANJE:NAMUHLA

Epeter Mokaba: Polokwane City vs Orlando Pirates 15h30.

E-FNB Stadium: Kaizer Chiefs vs Moroka Swallows 17h45.

Eking Zwelithini: Richards Bay vs Royal AM 20h00.

NGESONTO

E-athlone Stadium: Cape Town Spurs vs TS Galaxy 15h30.

IZITHOMBE NGABE: BACKPAGEPIX KUTHIWA udinwe uyaqhuma umnikazi wekaizer Chiefs ukaizer "Shintsha Guluva" Motaung (okwesingenhla) ngokubhacaza kwakamuva kwale kilabhu elolongwa ngucavin Johnson (okwesokudla). U-ashley du Preez ungomunye wabadlali abayenzela phansi le kilabhu muva nje njengoba ehlulwa ngoqekelele bamathuba.

ngabomvu ngabathandi bakanobhutshuzwayo kwazise ichiefs isanda kubuya ehlazweni ikhishwa yimilford FC kowenedbank Cup ngeledlule kuyo le nkundla yayo. Ihlu-lwe