Izoqopha izinsuku ezimbili ethekwini ijoyous
ASEQALILE ukudayisa amathikithi omcimbi othandwa ngabaningi wowokholo, lapho iqembu ijoy ous Celebration, lizobe liqopha bukhoma i-albhamu yalo ka-28.
Le ndumezulu yedili lomcimbi eba minyaka yonke, izobe isenkosi Albert Luthuli International Convention Centre (ICC), ethekwini ngomhla ka-30 nangomhla ka-31 kwephezulu.
Lena ngeminye yemicimbi abathandi bomculo we-gospel abayibheka ngamehlo abomvu. Abahleli bawo bathi amathikithi aseqalile ukutholakala ezitolo zakwapick’n Pay nasewebticket, azoqala ku-r200 kuya phezulu.
Leli qembu elizakhele igama ngisho naphesheya kwezilwandle, lizobe libungaza iminyaka ewu-28 labakhona, lidume kakhulu ngezingoma zendumiso.
Ngokusho kukalindelani Mkhize, umbono waleli qembu oqale eminyakeni ewu-28 edlule, babengazitsheli ukuthi ungagcina uphenduka into enkulu kangaka.
“Lona wumbono oqale eminyakeni eminingi edlule kodwa sewenze leli qembu laziwa njengamanye ahamba phambili emculweni we-gospel, ngisho nasemazweni angaphandle.
“Minyaka yonke sihlale sizibophezelela ekutheni sikhuphule izinga, nomculo ushiye lowo obewulalele efisa ukuphinde alilalele futhi leli qembu.
“Lokhu sikwenza ngokuqinisekisa ukuthi kakuwona nje umculo kuphela osezingeni elicokeme, kodwa nendlela esiwethula ngayo nendlela esibukeka ngayo,” kusho umkhize.
Uthi umculo we-joyous Celebration uyimvuselelo ekwelinye izinga nelenza abathanda lo mculo babuye bephindelela. Kuyaziwa ukuthi imicimbi yaleli qembu ijwayele ukuphelelwa ngamathikithi ungakafiki njengoba abalandeli balo bewathengisa okwenyama. I-african Bank ingabanye babaxhasi abaqavile balo mcimbi.