UMABASA ULWELA UKUBA NGUMDLALI OMQOKA KWI-BUCS
UPHUMELA obala ngesizathu esenze wabuyela kwi-orlando Pirates umgadli wale kilabhu obephila ngokuntunta nendishi, ebolekiswa.
Ibucs izokwamukela omkhaya bayo, ikaizer Chiefs kowedstv Premiership namuhla ngomgqibelo ngo-15h30 EFNB Stadium, esoweto.
Utshegofatso Mabasa (27) (osesithombeni), ungomunye wabagadli bebucs ababhekiwe kulo mdlalo njengoba esanda kukhuza ibuya kule kilabhu.
Ibucs ibimubolekise kwimoroka Swallows ekuqaleni kwesizini kodwa yamubuyisa njengoba iswallows ibihaqwe yizinkinga zemali, abadlali beteleka ngenxa yokungaholi.
Ezinyonini uhambe esevalele amagoli awu-6 kwiligi, okumenze wabalwa nabadlali abahamba phambili.
Ngesizini edlule ubebolekiswe kwisekhukhune United.
Umabasa uveza isizathu esenze wakhuza ibuya kwibucs.
“Into engiyithandayo ngale kilabhu wukuthi kunobunye, okungenye yezinto engibuyisile.
“Noma ubuka nje ungaphandle uyakuhalela ukuba yingxenye yale kilabhu.
“Ibucs ingikhumbuza ngezikhathi zami ngisekwibloemfontein Celtic, lapho kwakunalowo muzwa wukuzwana.
“Ngikholwa wukuthi yiyona into eyenze yanqoba inedbank Cup NEMTN8 kabili.
“Kodwa-ke bengilokhu ngifuna ukuzizwa ngibalulekile nami kule kilabhu ebengingumlandeli wayo ngisakhula.
“Ngikholwa wukuthi zonke izinto engidlule kuzona zingikhulisile, luqine ngokwanele ukhakhayi manje.
“Khona bekungiphatha kabi ukulokhu ngibolekiswa kodwa manje yithuba lami lokuzibonakalisa ukuthi ngiphetheni.
“Ngikwazile ukuziphakamisa ngesikhathi ngibolekiswe kwiswallows, ngayishayela amagoli.
“Ngethemba ukuthi namanje ngizoyisiza ipirates inqobe imidlalo,” kusho umabasa.