Ungcofa ibucs umqeqeshi wechiefs
Uthi nakanjani bazoyimboza ngabalandeli kwisoweto Derby
UMQEQESHI wekaizer Chiefs, ucavin Johnson, ungcofe omkhaya, i-orlando Pirates ngaphambi komdlalo omqoka futhi obhekwe ngabomvu walezi zinkunzi zasesoweto.
Ichiefs izovakashela ipirates kowedstv Premiership namuhla ngomgqibelo ngo-15h30 EFNB Stadium, esoweto. Izokuya kulo mdlalo ihambela phezulu njengoba inqobe ngo-1-0 umdlalo welamontville Golden Arrows obungolwesibili ebusuku kuyo le nkundla engenhla.
Yize kunjalo, kodwa abawazi kangcono lo mdlalo womkhaya, bathi ifomu yala makilabhu isuke
ingasasho lutho uma esebhekene njengoba iphuma ngefasitela.
Ekhuluma ngalo mdlalo ujohnson, uthe: “Sizilungiselele ngokweqophelo eliphezulu. Siya kulo mdlalo ngenhloso yokuyozithokozisa phambi kwabalandeli bethu abawu-100 000, esilindele ukuthi baphume ngezinkani.
“Nginesiqiniseko sokuthi u-99 000 kuzobe kungabalandeli bechiefs, yingakho kufanele siqinisekise ukuthi siyokwenza konke okusemandleni okunqoba lo mdlalo.”
Lo mqeqeshi usho la mazwi sakuchoma. Uthe kuyintokozo kuyena ukuba yingxenye yalo mdlalo womkhaya ohlonishwa umhlaba wonke.
“Lo mdlalo mkhulu ngendlela esabekayo, ukuba yingxenye yawo kusho lukhulu. Ubalwa neyomkhaya ewu-10 emikhulu emhlabeni. Uma ungumqeqeshi wesikhungo esikhulu njengalesi sechiefs, uzodlala nesinye isikhungo njengesepirates, kuyinto enkulu kabi lokho.
“Kodwa-ke amalungiselelo siwahlele ngohlelo lwalo mdlalo esiya kuwona. Kuzofanele siye kuwona ngomkhulu umfutho. “Esikwaziyo wukuthi sobabili siyolwela ukuthi ngobani abayizingqungqulu zikanobhutshuzwayo wakuleli,” esho.
Ujose Riveiro ongumqeqeshi wepirates, uthi bafuna ukuqhubeka lapho begcine khona ngomzuliswano wokuqala njengoba banqoba ichiefs ngo-1-0 ngolwezi (November). Uthi sebelwela ukungadedeli lutho uma bedlalela ekhaya.
Kulo mdlalo kubhekwe abadlali abasebancane bala makilabhu futhi abashaye amagoli emidlalweni yawo yokugcina, okuwukelebohile Mofokeng kwibucs nowandile Duba kwichiefs.
Kanti kubhekwe ukuba bathole amabhola axoxa indaba esiswini kukeagan
Dolly, uhappy Mashiane nonkosingiphile Ngcobo ezimpofaneni kanti kwezimnyama uthalente Mbatha, udeon
Hotto nomiguel
Timm.
Isiyonke imidlalo yedstv Premiership engempelasonto iqhathwe KANJENA:NGOMGQIBELO
E-FNB Stadium: