'Usuthu lufanelwe wukuhlala phezulu kwi-log'
Umqeqeshi uncoma ibhola abalidlalile kowenedbank Cup
UGCULISEKILE ngezinga elikhonjiswe ngezakhe upablo Martin ongumqeqeshi wamazulu FC adlulele kuma-quarter final enedbank Cup ehlula ngo-2-0 isekhukhune United kowelast 16 yalo mqhudelwano ngolwesine ebusuku epeter Mokaba Stadium, epolokwane.
Amagoli osuthu – oluzimisele ngokuhamba ibanga elide kulo mqhudelwano, kubalwa nokuwunqoba imbala – aze nojunior Dion novictor Letsoalo.
Umartin uthe: “Ngijabule kakhulu ngomphumela esiwuthole kulo mdlalo. Kuhlale kuyintokozo ukwenza kahle ikakhulukazi uma udlalela ekuhambeni.
“Besinganqoba ngamagoli amaningi kodwa kulungile, ngijabule, sizothatha khona lokhu esikutholile.
“Abadlali bami bakhombise ukuzimisela okukhulu kulo mdlalo okuyinto esihlala siyishumayeza njengabaqeqeshi.
“Kufanele lo mphumela usikhuthaze ukwenza kahle nasemidlalweni ezayo.
“Kangingabazi ukuthi ukuba yonke imidlalo yethu siyidlala njengoba senzile kulona, ngabe sisendaweni ephezulu kwi-log (yedstv Premiership).
“Kufanele siqhubeke sisebenze kanzima ukubeka ikilabhu endaweni enhle. Ngiyazi ukuthi imiphumela beyingavumi kahle emidlalweni edlule kodwa besidlala kahle, kusho khona ukuthi izinto bezingenzeki njengoba besifisa.
“Ngiyambongela noveli Mothwa ngendlela asebenze kahle ngayo kulo mdlalo.
“Empeleni lo nozinti selokhu abuya eqenjini lesizwe ibafana Bafana ubengakaze abe sesimeni
esikahle kwazise uke wahlala isikhathi eside engadlali.
“Ukubuya kwakhe kuzoselekelela kakhulu,” esho.
Umothwa uqokwe njengomdlali ovelele kulo mdlalo ngokuvimba amabhola amaningi ayingozi.
Umdlalo olandelayo wenyokan’ Eluhlazana ngoweligi ezowudlala nets Galaxy ekuhambeni ngomhla ka-30 kwephezulu, ngaphambi kokwemukela ipolokwane City ekhaya.