Kushikisha ufudu ngamavoti kokamaskandi
UDIDIYELE izinhlobo zomculo wesintu ezahlukene umcimbi wemother of All Maskandi Festival. Lokhu kugqame ngokunikezwa ithuba komculo wombhaqanga nowesicathamiya ngesikhathi kumenywa abaculi abangesiyona ingxenye yomncintiswano kodwa abazoshiyelana inkundla nabaqhudelanayo mhla ka-6 kumbasa (April), epeople’s Park, emoses Mabhida, ethekwini.
Phakathi kwabaculi abamenyiwe, kubalwa izulu Messengers (isicathamiya), ubonani Mhlongo (umbhaqanga), ukhuzani, igcokama Elisha, ujumbo (wegospel), Izingane Zoma, osukasambe, uvumile Mngoma, ubingelela Mpanza (osesithombeni) nezintombi zikamjaphane.
Umgqugquzeli walo mcimbi umnu Eric Ngobe, uthi obekubalulekile ngesikhathi kumenywa laba baculi, wukuthi abathandi bomculo wesintu bazizwe bemukelekile ngayo yonke indlela.
Uthi kwandiswe kakhulu abesifazane ngoba bona kabasiyona ingxenye yokuqhudelana kulo mncintiswano okubekwe kuwona isiteki semoto iquantum.
“Ngonyaka ozayo abaculi besifazane bazokwenzelwa uhlelo lwabo lokuqhudelana. Sikwenze konke okusemandleni ngokuthi indlela esimema ngayo laba baculi, kumeleleke abantu abaningi,” kusho ungobe.
Uthi uhlu lwamavoti abaculi luvezwa okokugcina namhlanje, ukuvota kuzovalwa mhla ka-29 kwephezulu, kodwa umculi odle umhlanganiso, useyomenyezelwa ngosuku lomcimbi epeople’s Park.
“Ukuvala uhlelo lokuveza amavoti, akuchazi ukuthi usuvaliwe ulayini wokuvota. Lokhu kusho ukuthi zizodudulana ngobumnyama kuze kube ulwesihlanu mhla ka-29,” esho.
Mhla ka-30 kuzomenyezelwa uhlu lokugcina lwabaculi abawu-30 abafike esigabeni sowamanqamu, abakwazile ukungena kwesokunandisa kulo mcimbi ngenxa yamavoti abo.
Amathikithi alo mcimbi aseyatholakala ezitolo zakwaspar nasetickets Pro ngo-r100, awezicukuthwane abiza u-r1 200, kanti itafula lama-vvip libiza u-r15 000. Thumela igama lomculi omvotelayo
1. Gatsheni - 108589
2. Solwazi - 38526
3. Tornado - 21297
4. Zinjaziyamluma - 20653
5. Amawele kamamtshawe - 18294
6. Amageza Amahle - 13362
7. Imfezemnyama - 10742
8. Somatekisi - 9528
9. Amavikelambuso - 9262
10. Menzi - 8349
11. Buhubhe - 7544
12. Thubhobho - 7241
13. Dumakahle - 5922
14. Thandazani - 4703
15. Qalindaba - 4875
16. Insingizemnyama - 4218
17. Ezechalaha - 4141
18. Ezikamajotha - 4044
19. Mafakhiza - 4023
20. Qhosha - 4006
21. Selula - 3932
22. Smirnoff - 3899
23. Amadodana Entandane - 3725
24. Amasoka Amahle - 3717
25. Ithwasa Lekhansela - 3637
26. King Nuba - 3557
27. Inkosi Yamagcokama -3488
28. Skhala Nene - 3344
29. Skhenqe -3241
30. Bhasini Lamula -3194