UBALISA NGOMKLOMELO OWANQOBA UMJAHO WOKUHLONIPHA UMSUNGULI WEMAMBAZO
UDUNGUZA ebumnyaneni ngomklomelo wakhe umsubathi wakwazulu-natal usiyabonga “Bhongo” Ndlovu oyingqwele yebhekizizwe Joseph Shabalala 10km ebingonhlolanja (February) emnambithi.
Undlovu – osubathela iblack Diamond – utshele ILANGA Lempelasonto ukuthi abagijimi abaningi abebeyingxenye yalo mjaho sebeyitholile imiklomelo yabo.
Lo mjaho wokuhlonipha ushabalala (ongasekho) – ongumsunguli weladysmith Black Mambazo – usuke uhlanganise ne-42km, i-21km ne-10km.
Undlovu uthe seyehluleke yonke imizamo yakhe yokuxhumana nabadidiyeli balo mjaho.
“Ngimfonelile uvuyo Shabalala okunguyena okuthiwa mangixhumane naye ukuze ngithole imali yami.
Obambe ucingo uvele wazihlangula, wathi yinombolo okungeyona. Ngibe sengixhumana nabanye abagijimi bathi umuntu okufanele ngimthinte nguyena uvuyo, obambe ucingo waphinde wenza okufanayo, wangibhokela nangolaka.
“Nomqeqeshi wami u-ayanda umzamile kwaba ngesifanayo.
“Njengoba abanye sebeyitholile imali yabo kangazi ukuthi yini inkinga kweyami,” kusho undlovu osanda kungena unombolo 4 kwisouth Africa National 10km Championships.
Sika lesisithombe sombengo, usinamathisele esikhaleni esisodwa kwezintathu kwifomu yomncintiswano, bese ugcwalisa nemininingwane yakho.
Phambilini leli phephandaba likhulume nomandla Mngomezulu oyisekela likamengameli wekwazulu-natal Athletics (KZNA) wathi abasubathi abaningi sebekhokhelwe.
Udaba lukandlovu selusatshalaliswe kumawhatsapp group amaningi abagijima, okuthiwa uvuyo ukhona kuwona, kodwa akaphenduli.
Leli phephandaba limfonelile uvuyo wangalubamba ucingo kanti nomyalezo ashiyelwe wona kwiwhatsapp kuze kwashaya isikhathi sokushicilela.