INTAKA IBEKELWE AMAZOLO NAMUHLA KOKAMASKANDI
INTAKA ibekelwe amazolo namhlanje kwimother of All Maskandi Festival, epeople's Park, ethekwini.
Amaciko kamaskandi abesembangweni wemoto iquantum, ebekelwe umculi ozodla umhlanganiso ngokuvotelwa kakhulu.
Lo mcimbi ohambisana nomncintiswano, kubhekwe ngamehlo abomvu phakathi kukagatsheni nosolwazi weqembu AMANMZ okuyibona okuvalwe umncintiswano behubhana ngevoti.
Umgqugquzeli womcimbi umnu Eric Ngobe, uthi phakathi kwamabili namhlanje ngomgqibelo, kuyobe sekucacile ukuthi ngubani umculi okhale wemuka nomklomelo wemoto.
“Abathandi bakamaskandi bamvotele umculi abafisa ahlomule ngemoto.
Ngakho-ke, namuhla konke kuzohlala obala,” esho.
Ungobe ugcizelele ukuthi izikhali kazivumelekile emcimbini. Amaphoyisa uthe azoqinisekisa ukuthi akungeni okungalungile. Uthe umthetho obekwe ngamaphoyisa ngowokuthi ama-cooler box anama-ice kawavumelekile ngoba abanye bafihla kuwona izibhamu.
“Kalingeni ibhodlela, kodwa utshwala bukhona ngaphakathi, ungafika uphethe i-cooler box ingenalutho, nayo ezongena ngo-r50. Izikibha zepolitiki kazivumelekile, isandla sizoqiniswa kakhulu emcimbini,” kusho ungobe.
Amathikithi azobe etholakala ezitolo kwaspar ngo-r100 nasetickets Pro, kodwa esangweni abiza u-r150.
Uveze nokuthi abaculi abebeqhudelana, bazocula ngokukleliswa ngokwamavoti abawatholile. Kulo mcimbi kuboshelwe abaculi okubalwa kubona Amawele kamamtshawe, utornado, umenzi, imfezemnyama, ubahubhe, uqalindaba, Izingane Zoma, Izintombi zikamjaphane, Khuzani, igcokama Elisha, Abafana bakamgqumeni, Inkosi Yamagcokama, umdumazi, udumakahle, uvumile Mngoma, usmirnof, ithwasa Lekhansela, Ezechalaha, Amageza Amahle, Amavikela Mbuso, osukasambe, ugadla Nxumalo nabanye. Lo mcimbi wesekwe wumsakazo ukhozi FM, iphephandaba
nabakwavib Mobile.