Ukhumbula imizuzu ekhethekile nomdlali wechiefs obulewe
Ufleurs usocongwe kusanda kuphumelela iphupho lakhe leminyaka
UKHUMBULA imizuzu ekhethekile nomdlali wekaizer Chiefs obulawe ngesihluku edunwa imoto ngolwesithathu ebusuku eflorida, egoli, umdlali okhule ndawonye nalesi sitobha. U-antonio van Wyk (22) – ovutha engabaselwe esiswini kwistellenbosch FC – utshele
ILANGA Lempelasonto
ukuthi wephuke umoya ngokubulawa kukaluke Fleurs (24) kusanda kufezeka iphupho lakhe lokujoyina ikilabhu enkulu kuleli, abehlale ekhuluma ngakho besayibambe ndawonye njengoba bekhulele esikhungweni esisodwa sokucijwa kwamakhono kunobhutshuzwayo.
Laba badlali bahlale iminyaka eyisikhombisa ndawonye begijima kubuntu Academy njengoba u-antonio ethi bafika khona beneminyaka ewu-12.
Uthi ngesikhathi bekulesi sikhungo, bavumelana ngokuthi bazosebenza kanzima ukuze bagcine begijima emakilabhini amakhulu akuleli, baqukule nezinkomishi ezimqoka.
Ufleurs usayine kwichiefs ngasekupheleni konyaka odlule. “Ubezikhonzele ukuhleka futhi ekuqonda akutshele ngqo uma kukhona into oyenzayo angezwani nayo. “Sifunde ndawonye naye emabangeni aphansi, saphinda sadlala ndawonye ezikwatini ezincane.
“Ufleurs sikhule evele ezifela ngechiefs njengoba mina ngithanda isupersport United. “Sengathi umphefumulo wakhe ungalala ngoxolo,” kusho uvan Wyk. Ipremier Soccer League (PSL) ikhiphe isitatimende ikhalisana nechiefs, umndeni walo mdlali kanjalo nabathandi bebhola kuleli. Ithe kuzokuba nomzuzu wokuhlonipha lo mdlali ngaphambi kokuqala kwayo yonke imidlalo yedstv Premiership neyemotsepe Foundation Championship (MFC) ehlelelwe le mpelasonto. Amaphoyisa athe aphansi phezulu athungatha ababulali abadune lo mdlali igolf 8 GTI. mfanafuthin@ilanganews.co.za