I-SUNDOWNS ICHITHA 'EYOKUNCIKISELELA' IBAFANA NGABADLALI
UYIPHIKA ulala ngomhlane urulani Mokwena ongumqeqeshi wemamelodi Sundowns eyokugolozela isouth African Football Association (Safa) ngodaba lwabadlali bale kilabhu abagijima kwibafana Bafana.
Lo mqeqeshi ubekhuluma esigcawini sabezindaba ngolwesine ngaphambi komdlalo womlenze wesibili we-quarter final yecaf Champions League neyoung Africans yasetanzania ogijinywe izolo ngolwesihlanu ebusuku.
Nakuba ecele ukunganabi ngezinto ezimayelana nebafana nomqeqeshi wayo uhugo Broos, ukugcizelele okokuthi kungamapunge ukuthi idowns yenqaba ukudedela abadlali ngesikhathi ukuya emidlalweni yakamuva yobungani.
“Kayikho into efana naleyo, futhi kangizimisele ngokwenaba ngalolu daba ngoba kalikho iqiniso kulona,” kusho lo mqeqeshi.
Kuyinto eyaziwayo ukuthi emakilabhini ahleleke kahle, kuyimpoqo ukuthi bonke abadlali bahlolwe ngodokotela ngemuva kwemidlalo ukuqinisekisa ukuthi konke kuhamba kahle, bakulungele ukujimela imidlalo elandelayo, ukugwema ukuba balimale kakhulu uma kukhona obekusafufusa, okufana nokulimala kwamamasela nemisipha.
Lo mbuzo uvuswe wukuthi ubroos watshela abezindaba ukuthi udumele ngesenzo sedowns sokutshela abezindaba ukuthi inabadlali abalimele, ekubeni yena engenalo ulwazi ngalokho. Wathi ukholwa wukuthi kumele le kilabhu ixhumane naye kuqala ngaphambi kokwenza lesi simemezelo.
Kwenzeka lokhu nje, ubroos waveza ukuthi uzohlangana nabaphathi bepremier Soccer League (PSL) eholwa ngu-irvin Khoza ukuphothula izingxoxo ayeseziqalile ukucaba ukusebenzisana okuhle kwibafana namakilabhu agijima ngaphansi kwale nhlangano eyengamele ibhola elikhokhelayo kuleli.