Ucwaningo nezinkomba zohulumeni wobambiswano Kwazulu-natal
Bacacisa nokuthi lo mbiko kawusona isibikezelo somphumela wokhetho
IMINININGWANE yocwaningo lwakamuva lwesocial Research Foundation (SRF), ikhomba ukuthi kuzomele kubunjwe uhulumeni wobambiswano Kwazulu-natal nasegauteng, nokuthi futhi kulolo bambiswano kungase kudingeke kuhlanganyele okungenani amaqembu amathathu ezombusazwe.
Lolu cwaningo lwenziwe ezifundazweni ezinkulu okuyikwazulunatal,
USAQHUBEKA nokwexwayisa ngokubangwa nokugaqela izikhundla kumkhonto wesizwe Party (MK Party) umnu Jacob Zuma owayengumengameli wezwe, ohola le nhlangano. Uthi kabadingeki abantu ababanga futhi abahalela izikhundla. Umsholozi obekhuluma namalungu nabalandeli bale nhlangano egoli uthi: “Laba abahalela izikhundla yibona esingeke sibanike ngempela ngoba kasifuni muntu ohalela isikhundla.” igauteng newestern Cape. Abantu ababhalisele ukuvota okuyibona ababambe iqhaza kulolu cwaningo, bebebuzwa ukuthi ukuba bese kuwusuku lokuvota (ngesikhathi abebebuzwa ngaso) bebezovotela yiphi inhlangano.
Abaningi Kwazulu-natal abalinganiselwa ku-30-35% bathe inhlangano abebengayivotela ephepheni lokuvota likazwelonke (national ballot paper) wumkhonto wesizwe Party (MK Party). Kulandela inkatha Freedom Party (IFP) ngamavoti aphakathi kuka-20 no-25%, yona ilandelwe yi-african National Congress (ANC), bese kuza idemocratic Alliance (DA) namanye. Ephepheni lokuvota lesifundazwe (provincial ballot paper), abaningi Kwazulu-natal, bathe ukube bese kuyilona usuku, ivoti labo bebengalinika IMK Party, kulandele IDA, bese kuba YI-ANC NE-IFP.
Egauteng abantu abaningi bathe ephepheni lokuvota likazwelonke bebengavotela I-ANC ngamavoti aphakathi kuka-35 no-40%, bese kuza IDA ngamavoti aphakathi kuka-25 no-30% bese kulandela nezinye izinhlangano. Khona egauteng, ephepheni lokuvota esifundazweni iningi lithe belingavotela I-ANC bese kulandela IDA.
Abaningi ewestern Cape ababalelwa phakathi kuka-50 no-60% bathe bebengavotela IDA ephepheni lokuvota likazwelonke, kwathi ingxenye engaphansi kuka20% yathi ibizovotela I-ANC.
Bathe ephepheni lokuvota lesifundazwe bebengavotela IDA, bese kuba YI-ANC. Icacisa ISRF ithe, imininingwa-ne equkethwe yilo mbiko kayisona isibikezelo somphumela wokhetho lwangomhla ka-29 kunhlaba (May), kodwa iveza okungaba yisimo esikhona njengamanje kwezepolitiki.
Ocwaningweni lwayo iveza nokuthi ukwesekwa kwe-anc kuzwelonke ngesikhathi olwenziwe ngaso (ucwaningo) bekungaphansi kuka-40%, kuze IDA ngo25%, kanti inhlangano elele isithathu ngokuthola ukwesekwa kuzwelonke yimk, ilandelwe YIEFF bese kuba YI-IFP.