Ipirates igabe ngerekhodi elihle lasemabhida
Uriveiro wethembisa abalandeli into yamehlo kowenedbank
I-ORLANDO Pirates yethembe irekhodi layo elihle lokungehlulwa ngamazulu FC emoses Mabhida Stadium selokhu le nkundla yasethekwini yakhelwa indebe yomhlaba eyayikuleli ngo-2010. Usuthu luzotholana phezulu nebucs kwi-quarter final yenedbank Cup namuhla ngomgqibelo ngo-18h00, khona emabhida.
Kubhekwe ukuba itheku liphithizela njengoba kubhekene la makilabhu ahlonishwayo ebholeni lakuleli.
Ipirates yiyona eyizimfivilithi njengoba ivikela lesi sicoco.
Ngaphandle kwalokho, iya kulo mdlalo nje, kayikaze yehlulwe wusuthu emoses Mabhida.
Ujose Riveiro, ololonga ibucs, wethembisa lukhulu ngaleli rekhodi.
“Yirekhodi elihle kabi leli. Sizokwenza isiqiniseko sokuthi nangemuva kwalo mdlalo lizobe lisami kanjena.
“Lokho kakuchazi ukuthi siwabukela phansi Amazulu, siyawahlonipha futhi siyawanika indawo yawo.
“Okungenza ngisho kanjena wukuthi siwulungiselele kahle lo mdlalo, abadlali bethu bonke bawulangazelele.
“Engingakusho nje wukuthi abathandi bakanobhutshuzwayo bazobona into yamehlo,” kusho uriveiro.
Ebuzwa ukuthi ngabe yikuphi akwenzayo ukuvusa uzakhele Lepasa ongumgadli wakhe obengalibheki ipali, kodwa osevele waba buthuntu, wagcina esephenduka ukudla kwebhentshi, uthe: “Uzakhele uyiqale kahle isizini. Uma ngikhumbula kahle, kunomdlalo ashaye kuwona amagoli amathathu.
“Indlela esidlala ngayo iyasiphoqa ukuba sidlalise umgadli oyedwa, ngebhadi (ulepasa) wehlelwe yifomu, kwangena omunye umgadli.
“Usebenza ngokuzikhandla, uyazama ukulwa futhi nathi siyazama ukumkhuthaza ngoba siyamazi ukuthi unjani.
“Siyakusebenza ukuthi akuqondisise esikufuna kuyena uma ethola ithuba lokudlala.”
Kubadlali okubhekwe ukuba bathwale ipirates kulo mdlalo kubalwa ukelebogile Mofokeng, umonnapule Saleng notshegofatso Mabasa, oshaya amagoli sengathi uyabukisa muva nje, kanti usuthu lugabe ngosede
Junior Dion, umlondi
Mbanjwa notshepang
Moremi.
Imidlalo esele yama-quarter final enedbank Cup iqhathwe KANJE:NAMUHLA NGOMGQIBELO Edanie Craven Stadium: Stellenbosch FC vs Supersport United 15h00.
Emoses Mabhida: Amazulu vs Orlando Pirates 18h00.
KUSASA NGESONTO Embombela Stadium: TS Galaxy vs Chippa United 15h00.