Uzimdollar ubenemibuzo ngokushiywa ngaphandle emdlalweni umkhokha
Uthi ukuthanda kokubili ukulingisa nokusakaza
UFEZEKE
iphupho kumsakazi wokhozi FM uzimiphi “Zimdollar” Biyela, ethola indawo emdlalweni awukhonzile Umkhokha, okhonjiswa kumzansi Magic, ngo-20:30 phakathi nezinsuku.
Uzimdollar uqale ukubonakala kulo mdlalo ngolwesine, udlala indawo kankk Khumalo ongunina kamengameli, umyeni wakhe ngumdu Mnguni.
Ekhuluma NELANGA Lempelasonto ngokujoyina lo mdlalo uzimdollar, uthe kufezeke iphupho ngokuba yingxenye yawo.
“Umkhokha ngawuthanda usadlala iziqephu eziwu-13, ungakabi wuchunge-chunge. Ngangizibuza ukuthi ngisale kanjani mina ngoba ngangizibona ngingomunye wabalingisi bawo,” esho.
Uthi nangesikhathi usuba wuchungechunge, ibisekhona intshisekelo njengoba ubewubuka futhi ewuthanda.
“Unkulunkulu ubengihlelela isikhathi esifanele nendawo efana nalena engiyitholile,”
esho.
Uthe ubonile abantu bekhuluma ezinkundleni zokuxhumana ngokuthi kuqashwa abalingisi ababodwa nabavele besebenza kule midlalo kamabonakude.
Ephendula lezi zinkulumo uthe, abantu kumele bakuqonde ukuthi emhlabeni wonke umuntu ubekelwe okungokwakhe.
“Nabo kumele bakuqonde ukuthi uma into kungeyakho, ngisho ungaba nemisebenzi emingaki noma ube matasa kangakanani uma into kungeyakho, ngeke kujike lokho.
“Nabo labo abakhulumayo babekelwe okungokwabo, kumele balinde isikhathi sabo.”
Echaza ngendawo ayilingisayo, uthe uyaqala ukudlala indawo yokuba yisigwili.
“Le ndawo izoveza olunye uhlangothi ngami abantu abangakaze balubone emidlalweni esengike ngayilingisa phambilini,” kusho uzimdollar enezela ngokuthi unenhlanhla yokuthola izindawo azifisayo. “Ngiyakuqonda ukuthi kulo mkhakha ngeke ngihlale ngithola izindawo ezihambisana nami, vamise ukukugwema uma ngibona indawo engingahambisani nayo. Angiyi no-kuya kwinhlolokhono” kusho yena ebala izinto angahambisani nazo okuwukulingisa unqunu, ukuphuza utshwala nokubhema.
“Ngiyaxolisa ngeke ngikwazi ukudlala lezo zindawo ngoba kazihambisani nami, nenkolo yami.”
Uthe kuyajabulisa ukubona imidlalo kamabonakude ikhula Kwazulu-natal ngoba lokhu kuvula amathuba emisebenzi kubalingisi abangafudukeli egoli.
Uthi akuhlale kumhambela kahle kwezokulingisa njengoba namanje esanesilonda ngokusala ngaphandle emdlalweni Ushaka Ilembe.
“Ngangibona kungifanele ukuba yingxenye yalowa mdlalo kodwa kwasho ukuthi ngangingadalelwe wona ngoba angibizwanga nakwinhlolokhono.”
Uveze ukuthi ukuthanda kokubili ukusakaza nokulingisa.
Uzimdollar ushayela uhlelo lwasemini okhozini FM idankie 1223, alushayela noking Sifiso.
Khonamanjalo iyaqala isizini entsha yomdlalo owuchungechunge imy Brothers Keeper's okhonjiswa kumzansi Magic ngomsombuluko mhla ka-22 kwephezulu ngo-19:30. Kulindeleke ukuthi ushube lo mdlalo njengoba kubhekwe ukuthi uze nezinguquko okubalwa kubo nabalingisi abasha.
lithole ukuthi umuzi Mthabela ungomunye wabalingisi okulindeleke ukuba babonakale kulo mdlalo njengoba ezodlala indawo yokuba ngumfowabo kamshengu.
Umkhokha ngawuthanda usadlala iziqephu eziwu-13, ungakabi wuchungechunge. Ngangizibuza ukuthi ngisale kanjani mina...