Kugujwa iminyaka ewu-30 yenkululeko ngezitori zabafela inkululeko
IKHOMISHANA yezamafilimu Kwazulu-natal, izobungaza iminyaka ewu-30 iningizimu Afrika yathola inkululeko ngombukiso wamafilimu osihloko sithi, Truth Be Told. Lo mbukiso uzokuba sebat Centre, ethekwini, ngolwesine oluzayo lomhla ka-9 kunhlaba (May) kusuka ngo-10 ekuseni.
Kuzobe kutshengiswa izindaba zabantu abalahlekelwa ngabathandiweyo ngesikhathi sobandlululo.
Kuzokhumbuleka ukuthi eminyakeni engaphezulu kwewu-20 edlule, ikhomishana yamaqiniso yenza isiphakamiso sokuthi kuphenywe amacala angaphezu kuka-300 abantu ababulawa ngesikhathi sobandlululo.
Ifilimu itruth Be Told ixoxa ngezindaba zekhomishana yamaqiniso kepha iqoke ukusebenzisa ezakwazulu-natal, okungesikaphila Portia Ndwandwe, ubheki Mlangeni, untombi Kubheka notopsy Madaka okungazange kuvele iqiniso ngabo futhi akekho owaboshwa ngokubulawa kwabo wuhulumeni wobandlululo.
Kwesinye sezitori kuxoxa ingane yomunye wabafi kepha esikhulile manje, ixoxa ngokuthi ihlukumezeke kangakanani, ithwele lobu bunzima ikhula.
Umkhiqizi wale filimu umnu Enver Samuels, uthi: “Bekubalulekile ukuthi njengoba sigubha iminyaka ewu-30 yenkululeko, itruth Be Told yethulwe. Uyamazi uphila Portia Ndwandwe?
Untombi Kubheka yena? Mancane amathuba alokho.
“Uyazi ukuthi kungani ungabazi? Yingakho-ke ngibone kubalulekile ukuthi ngibhale le documentary. Siyawazi amagama afana nomandela, otambo nosisulu kodwa kasiwazi amanye amagama abantu ababeyizishoshovu zenkululeko esiyithokozelayo manje.”
Umnu Victor Senna wekwazulunatal Film Commission engabaxhasi, uthi: “Njengekzn Film, siyazeseka
izitori zakulesi sifundazwe ezixoxa kabanzi ngamaqhawe namaqhawekazi aso futhi abambe iqhaza elikhulu emlandweni waso.
“Njengoba izwe ligubha iminyaka ewu-30 lakhululeka, kubalulekile ukuthi sitshengise izitori ezifana nalezi, ngoba zisitshengisa lapho siphuma khona singabantu baseningizimu Afrika nemindeni yasekzn.
“Ngakho-ke ngigqugquzela wonke umuntu ukuba asondele neno ukuzobukela.”