SEBELWELA UKUZIGCINA BENEMISEBENZI ABADLALI BE-MILFORD
UNELIKHULU ithemba lokuvika izembe umdlali wemilford FC edonsa kanzima kwimotsepe Foundation Championship (MFC).
Le kilabhu izobhekana nenb La Masia kowemfc namuhla ngomgqibelo ngo-15h00 eprincess Magogo Stadium, Kwamashu.
Uthobela “Thobani” Sikhakhane (29) odabuka entendeka, olundi, utshele ILANGA Lempelasonto ukuthi kumqoka ngokuphindiwe ukuba bathole amaphuzu agcwele kulo mdlalo wela Masia ezeseka ngokuthi lokho kungabanika ukuphefumula kwi-log YEMFC.
“Empeleni nela Masia isesimeni esicishe sifane nathi, uma singayinika intuba yokuphefumula enkundleni noma isishaye, kuyobe sizimbele thina umgodi. Wonke la makilabhu esisempini nawo kufanele senze isiqiniseko sokuthi kawawatholi amaphuzu kithina.
“Kasisekho isikhathi sokudlala ibhola lethu, kufanele silwele ukushaya inethi kuphela. Imisebenzi yethu yiyona emqoka ngoba imindeni yethu iyakwazi ukulala idlile uma singaqhubeka nokugcina ilungelo lekilabhu kwimfc.
“Kuningi esikufundile selokhu singene kulesi sigaba engikholwa wukuthi kwenze noshintsho olukhulu nakithina singabadlali. Ngizolwela ukuthi ngaso sonke isikhathi ngiyisize ikilabhu ivike izembe.
“Kufanele ngibonele nakubhuti wami (uthembela Sikhakhane okumazulu FC) ngikhuphule isithunzi sasekhaya ebholeni. Ngiyambonga kakhulu ngangenzela khona benomfowethu omdala (untokozo Sikhakhane ongumnikazi wereal All Stars egijima kwihollywoodbets Regional League),” esho.
Imilford izokuya kulo mdlalo sekubuye umenzi “Deco” Chili ongumgadli obesesigwebeni sekhadi elibomvu.
* Imiphumela yayizolo YEMFC imi kanje: Leopards 3, Orbit 0; Callies 1, Upington 1.
* Imidlalo YEMFC engale mpelasonto ihlelwe KANJE:NAMUHLA NGOMGQIBELO
Eprincess Magogo Stadium: Milford FC vs NB La Masia 15h00.
E-old Peter Mokaba Stadium: Magesi FC vs Maritzburg United 15h00.
E-GWK Stadium: Hungry Lions vs Baroka FC 15h00.
Ethohoyandou Stadium: Venda FC vs University of Pretoria 15h00.
KUSASA NGESONTO
E-isak Steyl Stadium: Marumo Gallants vs Platinum City Rovers 15h00.
Eclive Solomon Mahlangu Stadium: Casric Stars vs JDR Stars 15h00.