Ipirates ifunga iyagomela ngeyecaf
Ithembisa ukuqhubeka nengcwenga kuze kusongwe isizini
ABADLALI beorlando Pirates bazibophezela ekubuyiseleni le kilabhu emqhudelwaneni wecaf Champions League kumnyama kubomvu ngesizini ezayo ukujabulisa abalandeli bayo asebephuma ngezinkani ukuyoyibuka njengoba idlala ingcwenga yebhola muva nje.
Ibucs - esefomini enhle kulezi zinsuku njengoba sezibheke entanjeni - iqhathwe neroyal AM kowedstv Premiership kusasa ngesonto ngo-15h00 eharry Gwala Stadium, emgungundlovu.
Ibucs iya kulo mdlalo nje, ilwela ukuqeda ikwi-top 2 ukuze idlale icaf Champions League. Nokho kufanele isebenze kanzima njengoba amakilabhu esembangweni nawo ngendawo yesibili ebhincene kabi okubalwa kuwona istellenbosch FC nesekhukhune United futhi elenyusile igiya.
Udeon Hotto (osesithombeni) odlala ophondweni lwesokunxele emuva kwibucs, uthembisa ukuthi ngeke babaphoxe abalandeli babo njengoba sezibheke entanjeni.
“Ngikholwa wukuthi sesiwubambile umgqigqo manje. Noma kanjani ngeke sisagudluka kuwona. Ibhola elilokhu libonakala silidlala lizobonakala kuyoze kuphele isizini, ngeke sisalehlisa igiya, kunalokho sizolenyusa kakhulu. Sidinga ukuqoqa amaphuzu ukuze sifake ikilabhu emidlalweni yaseafrika. “Sifuna ukubuyela emidlalweni yase-afrika ngesizini ezayo. Noma kanjani sizokwenza lokho. Abalandeli bethu bazosibona kulo mqhudelwano kumnyama kubomvu,” esho.
Abalandeli abazohambela lo mdlalo bazozibeka ethubeni lokunqoba u-r200 000 emncintiswaneni obizwa ngokuthi Amafandayz lapho kusuke kufanele bakorele izilomo ze-tv iphenathi ngesikhathi sekhefu.
Okumele bakwenze wukubhalisa uma bengena ngaphakathi enkundleni umdlalo ungakaqali ukuzibeka ethubeni lokutonyulwa kwamagama abo.
Eharry Gwala Stadium:
Royal AM vs
Orlando Pirates 15h00.
E-DHL Cape Town Stadium: Cape Town City vs Golden Arrows 17h30.