Abesifazane badinga ukulala kakhulu kunabesilisa
UMA ubungakaze uhlangabezane nombuzo othi kungani abesifazane bedinga ukulala kakhulu kunabesilisa, kuzokumangalisa ukwazi ukuthi usuwabafikela abanye kwaze kwenziwa ngisho nocwaningo ngale ndaba.
Sewake waqaphela ukuthi baningi ukwedlula abesilisa abesifazane abakhala ngokungalali kahle noma ngokwanele. Kuliqiniso ukuthi imizimba yethu iyakudinga ukulala ukuze iphile kahle, nokufunda ungakukhohlwa okufundile kanti-ke isilinganiso sokulala phakathi komuntu wesilisa nowesifazane siyehluka. Ocwaningweni olwenziwe ngabeSleep Research Centre, eLoughborough University, e-United Kingdom, kuvela ukuthi ngenxa yokuthi umuntu wesifazane ukwazi ukwenza axhake izinto eziningi ngesikhathi esisodwa lize lishone, ubuchopho bakhe buhlala bumatasatasa ukwedlula obomuntu wesilisa emini - okwenza adinge ukulala kakhulu ebusuku.
Kutholakala futhi nokuthi kulula ukuphazamiseka komuntu wesifazane elele kanti umuntu wesilisa uyalala zwi ukwedlula owesifazane.
Lokhu kwenza owesifazane aphaphame izikhathi eziningana kunowesilisa ebusuku, kunjalo nje inkinga yokuqwasha ingaphezulu kubona kunakwabesilisa. Ukugudluka kwama- hormone ngenxa yokuya esikhathini, kuyasiphazamisa isikhathi sokulala.
Amajaqamba esiswini, ukucasulwa yinto encane, ukuthanda izinhlobo ezithile zokudla nokuguquguquka komphefumulo noma inhliziyo - konke lokhu kuyakuphazamisa ukulala kumuntu wesifazane.
Abesifazane babuye bahlushwe nayizinguquko eziningi ezenzeka emizimbeni yabo ngesikhathi bekhulelwe. Lokhu kubuye kubizwe nge- menstrual insomnia.
Ngenxa yesisindo esengeziwe somntwana nokuthi uhleli kanjani esibelethweni, kuvamisile ukuba owesifazane aphazamiseke uma elele ngalesi sikhathi.
Ukwanda kwe-hormone ebizwa nge- progesterone okuye kwenzeke kulesi sikhathi, nakho kuyakuthikameza ukulala komuntu wesifazane.
Uma sekusondele isikhathi sokubeletha, owesifazane kuye- nzeka angalali kahle ngenxa yokuthi njengoba umuntu ekhula ngeminyaka yobudala, nokulala kwakhe kuyaguquka.
Ukufika kweminyaka yokunqamuka kokuya esikhathini nakho kunomthelela ekuvimbeleni ukufika kobuthongo nokuzumeka uma sebufikile.
Basheshe bavuke ngovivi ngenxa yokuzwela ukushisa nokubanda, ukujuluka ebusuku noma ukushaya ngamandla kwenhliziyo. 5. UKUXAKEKA EMOYENI Ukuguquguquka komphefumulo njengokuzizwa unevuso, wukudangala, ingcindezi engqondweni nendlela yokuphila engahlelekile - phakathi kokunye okuwukungafani kwesikhathi sokulala - uphuzo olunamandla noma uma oshade naye ehonqa kakhulu, konke lokhu kuyamthikameza owesifazane uma elele. Ngokocwaningo lukaTroxel nabambisene nabo, kuvela ukuthi uma othandana naye engenazinkinga zokulala, owesifazane ulala kamnandi.
Kuthiwa-ke uma indlela yokuphila engahlelekile ilokhu iqhubekile, ukungalali kahle kungagcina sekungamahlalakhona. Ikhambi liqala ekutheni kulungiswe uhlobo lokudla owesifazane akudlayo, agcine izikhathi zokuyolala ezifanayo zonke izinsuku, aphinde avuke ngesikhathi esisodwa njalo, okuyoholela empilweni enhle. [ulwazi: The CureJoy Editorial]