Kujabule uJZ kuwina owakuleli
BaseMzinyathi lnselelo kaMsholozi kubagijimi
KUJABULE uMengameli uJacob Zuma kunqoba umsubathi waseNingizimu Afrika kwiJG Marathon ngeSonto esukele eMpolweni yasongwa eKing Edward Park, eGreytown.
Lo mjaho ubuhlanganise nebanga lika-21km no-10km kanti ngowokuhlonipha uZuma.
Ubungenelwe ngabasubathi abaningi abaphuma emazweni angomakhelwane kubalwa iZimbabwe, eKenya, eLesotho, e-Ethiopia naseSwaziland.
Unqotshwe nguRaphael Segodi waseSoweto.
USegodi utshele abezindaba ukuthi uzokube ebambe iqhaza kwiSanlam Cape Town Marathon maduzane. Uqeqeshwa nguHendrick Ramaala owazakhela igama edla ubhedu kwiNew York City Marathon.
Ngeledlule uLungile Qongqa, ophekwa nguRamaala, ube yingqwele yeTwo Oceans Marathon. UZuma uhalalisele bonke abasubathi abebebambe iqhaza kulo mjaho.
“Kufanele singavumi ukwehlulwa ngabasubathi bangaphandle. Masibameme bezobamba iqhaza emijahweni yethu ngoba lokho kuzosiza ekutheni ikhule futhi idume umhlaba wonke.
“Bengizojabula kakhulu ukuba lo mklomelo uthathwe ngumsubathi waseMzinyathi. Indawo yaseMzinyathi yinhle kakhulu ekuziqeqesheni kufanele siyisebenzise njengoba kwenza abasubathi baseKenya.
“Ngicela intsha ibambe iqhaza kwezemidlalo. Kungangijabulisa ukubona senyuka isibalo sentsha kulo mjaho,” kusho uZuma.
Isiyonke imiphumela yalo mjaho ihambe kanje, kwabesilisa: 1.Raphael Segodi 2:27:40, 2.Melly Kennedy 2:27:54, 3.Phakoane Rakoto 2:29:12, 4.Lenanya Reakeboha 2:29:25, 5.Edwin Chimombo 2:29:49, 6.Soothi Rethabile 2:30:01, 7.Ramolefi Motsieloa 2:30:01, 8. Rebone Sello 2:30:33, 9.Mopenyane Lebelo 2:30:38, 10.Thabang Masopha 2:30:46.
Kwabesifazane: 1.Mamorallo Tjoka 2:52:47, 2.Nthabeleng Letsele 2:52:53, 3.Elizabeth Arsedo 2:53:57, 4.Makampong Letsie 3:06:04, 5.Lizih Chokore 3:12:03, 6.Nandi Zaloumis 3:21:10, 7.Jane Mudau 3:26:25, 8. Florence Chepkurui 3:26:23, 9. Samukelisiwe Khumalo 3:26:53, 10. Takalani Ndandani 3:27:01.
Kwi-21km kwabesilisa: 1.David Munya 65:44, 2.Mothimokholo Hatasi 65:55, 3.Tebello Ramakongoana 66:08, 4.Kabelo Lesia 66:55, 5. Lebenya Nkoka 68:16. Kwabesifazane: 1.Maria Shai 1:19:26, 2.Bertha Chikanga 1:21:19, 3.Nehengg Khatala 1:21:26, 4.Jenet Dlamini 1:21:39, 5.Lineo Chaka 1:24:23.
Kwi-10km, kwabesilisa: 1.Slindile Gubese 32:54, 2.Sipho Mbanjwa 32:55, 3.Ayanda Mncube 33:09, 4. Bonginkosi Zwane 33:20, 5.Mholi Jali 33:25. Kwabesifazane: 1.Nwabisa Mjoli 41:21, 2.Blandina Makatsi 41:38, 3.Litebogo Makwatseane 41:49, 4.Puseletso Dladla 43:02, 5.Nontokozo Mkhize 43:21.
* EyeHibiscus Coast Challenge 50km, kwabesilisa: 1.Skhumbuzo Dlamini 3:08:50, 2.Morapalla Mosoeunyane 3:09:02, 3.Maxwell Ngwazi 3:15:54, 4.Delani Mkhize 3:17:43, 5.Richard Nene 3:19:23, 6.Melusi Khumalo 3:23:40, 7.Thanda Mthembu 3:24:11, 8.Richard Mayezana 3:25:32, 9.Ntokozo Hebeni 3:26:02, 10.Vusie Mnyandu 3:27:52.
Kwabesifazane: 1.Precious Duma 4:18:40, 2.Nonkululeko Mbambo 4:27:53, 3.Mahlobanolo Lephena 4:43:40, 4.Alison Vyn 4:45:44, 5. Mandla Mbatha 4:49:11, 6.Lindiwe Khumalo 4:51:11, 7.Hleziphi Ncayiyana 04:56:25, 8.Angelique Muller 5:02:45, 9.Zodwa Magidigidi 5:06:57, 10.Neziswa Mdaka 5:17:04.
Kwi-21km kwabesilisa: 1.Michael Mzobe 1:23:47, 2.Mahlomula Sekhonyana 1:23:57, 3.Vincent Kipchirchir 1:29:16. Kwabesifazane: 1.Zama Mokoena 1:46:29, 2.Xoli Madida 1:58:31, 3.Ruth Mokoana 2:17:04.
Kwi-10km kwabesilisa: 1.Bonginkosi Zwane 29:49, 2.Mholi Jali 30:33, 3.Tsepang Maqaleha 31:02. Kwabesifazane: 1.Aviwe Cele 38:25, 2.Nontokozo Mkhize 38:36, 3.Hlobisile Madida 42:58.