A IZITSHALO NEMFUYO LESI
imfuyo, ezinembewu eshibhile futhi kube lula ukuyandisa.
Njengoba sake sachaza, kukhona umehluko phakathi kwengubo eluhlaza nomanyolo oluhlaza ngoba yona ngesinye isikhathi, ingasiphulwa ukuze ingancintisani nezitshalo kanti umanyolo oluhlaza wona uyambiwa uphinde ugqitshwe ukuze wandise imvundo emhlabathini.
Ingubo eluhlaza ingenziwa ngezisamdumba, ungotshani njalo njalo. Kwesinye isikhathi ungayileka ingunaphakade ensimini uma wenze utshalongxube phakathi kotshani nokusamdumba.
Esimeni sotshalongxube, ingubo itshalwa ngesikhathi esifanayo nezitshalo zangaleso sikhathi. Isitshalo sangaleso sikhathi kufanele sibe side kunengubo ukuze zingeke zincintisane nengubo.
Sesike saxoxa ngezitshalo zasebusika, okusho ukuthi umlimi uzokhetha ngolwazi analo ukuthi uhlela kanjani phakathi kokwembesa umhlabathi ngengubo eluhlaza nokutshala okuzoba wumanyolo oluhlaza.
Kungaso-ke futhi lesi sikhathi lapho sandisa izivikeli ezinjengogaligi nopelepele ensimini ngoba phela sizokudinga lokhu kakhulu ekudleni, ekudayiseni, nasekwenzeni ingxube yomuthi wokuxosha izinambuzane nezilokazane ezicekela phansi isivuno esilandelayo.
Uzozikhumbuza ukuhlanganiswa kwalezi zingxube njengoba sesike saphindaphinda ukuxoxa ngazo. Okumqoka wukuhlala uhlomile, unazo zonke izinsizakusebenza ezilungiselela ihlobo elizayo.
Uma ngabe umlimi edinga ukuchushiswa ngezinhlelo ezinemininingwane nemihlahlandlela, angathintana nehhovisi lethu ngendlela ejwayelekile kwethi: 082 789 4281 noma abhale ekhelini elithi www.sicelokunene.co.za, ekhasini elithi: Contact us sizomthinta.