ZIYAWUSHAYA KU-ZAMA

ISITHOMBE NGU: SANDILE MAKHOBA

KUVELA ezithi zizowushaya isinyenyela entokazini ekhalisa izinsizwa, uLinda Mtoba waseMlazi odlala indawo kaZama Ngwenya emdlalweni owuchungechunge iSibaya esidlala kuMzansi Magic kugamenxe ihora lesi-8 ebusuku kusukela ngoMsombuluko kuya kuLwesihlanu. ULinda ushada nesoka lakhe uMnu Steven Meyer.

IKHULUNYELWA phansi eyomshado wesilomo esilingisa emdlalweni owuchungechunge iSibaya. ULinda Mthoba, olingisa indawo kaZama Ngwenya kulo mdlalo uzoshada nesinqandamathe sakhe uSteven Meyer.

Nakuba leli phephandaba lingakwazanga ukuthola usuku okuyilona ngqo kodwa kungenzeka kube kule mpelasonto noma kwezayo. ULinda ethintwa yiLANGA

ngalezi zindaba wale waphetha ukudalula imininingwane yomshado wakhe. Nokho akaphikanga ukuthi impela ukhona umshado. Uthe umyeni wakhe akathandi ukuphuma emaphephandabeni ngoba uthi yena akasiyena usaziwayo.

Kuzokhumbuleka ukuthi ngoNdasa (March) le ntokazi ihanjiselwe izibizo, kwaba nomcimbi wesethembiso ngosuku olufanayo kubo kwaBB, eMlazi, eningizimu yeTheku.

Abezindaba babengamenyiwe kulo mcimbi nakuba ILANGA LangeSonto elinguzakwabo we

lakwazi ukungena. Kulokhu uLinda ushaya phansi ngonyawo, uthi kakudingeki zintatheli emshadweni wakhe.

“Umyeni wami akadumile, ngakho-ke ungiluleke ukuthi umsebenzi wami ungahlangani nezinto engizenzayo eceleni. Ukuvela ephepheni nami kumdonsela amehlo okungenasidingo, sinqume ukuba si-ngaphinde simeme abezindaba,” kuqhuba uLinda.

Uphinde waveza ukuthi nabazobe bephethe ama- cellphone ngeke bavunyelwe ukungena nawo lapho kuzobe kushadelwa khona, ngenhloso yokugwema ukuba bangashuthi, basabalalise izithombe zomshado.

ULinda akafunanga ngisho ukusho usuku lomshado, nendawo lapho uzobe ukhona. Engafuni ngisho ukusho ukuthi umshado uzobe ukuphi, nini.

Imithombo ethembekile esondelene naye ithe umshado ukhona wona maduze. Ezinkundleni zakhe zokuxhumana, kubonakala izithombe zomcimbi wakhe we- bridal shower. Ngokujwayelekile lo mcimbi wenziwa uma sekusele izinsukwana ziwushaye.

Umyeni wami akadumile, ngakho-ke ungiluleke ukuthi umsebenzi wa...

ISITHOMBE NGU: JOHN HLONGWA ISITHOMBE NGU: SANDILE MAKHOBA UNENGWA ukungabonakali kwamagalelo akhe endimeni kamasikandi uSgwebo Sentambo njengoba eveze ukuthi useyaphuma emincintiswaneni kamasikandi. UZIMISELE ngokubuya nezindondo kumaSAMA uBabes Wodumo