UPHENI YESIMO SEZULU
Lesi simo singanqandeka ensimini ngokuba utshale ingubo eluhlaza yokwembathisa umhlabathi ngesikhathi usalalisile.
Izitshalo ezifanele lo msebenzi ngezikhula masinyane zimboze umhlabathi ngokushesha, ezikhula noma komisile, ezinezimpande ezigxilayo, ezisikwayo kufunzwe imfuyo, ezinembewu eshibhile futhi kube lula ukwandisa imbewu yazo.
Sebenza ngohlelo lotshalo-mkhawulo lapho ingubo itshalwa kusasele isikhashana ukuba kutshalwe isitshalo sesikhathi.
Uma ngabe bekuzotshalwa ingubo ensimini kabhontshisi nommbila, kumele kulindwe kuvunwe ubhontshisi kuqa- la.
Emuva kokuvuna, ingubo iyayekwa iqhubeke nokukhama umphefumulo wokhula ibe ivikele nomhlabathi ezimeni zezulu ezinolaka.
Ohlelweni lotshalo-mtshelekwano, ingubo itshalwa emuva kokuvuna ngesikhathi insimu isaphunyuziwe ekulinyweni.
Ukudumaza izilokazane ezingadingeki nezifo ensimini, kufanele utshale izinhlobonhlobo zengubo.
Ukuzinzisa amanzi nomswakama; yimba amakhontolo nemibundu ngemisele evalekile ukuze unciphise umnyakazo womhlabathi bese kuzinza umswakama.
Amakhontolo ahlanganiswa noku- tshala ngemisweswanyana eyenza uhide lwamafolo.
Ungaxuba nomvithiza uhlanganise namahlokozi ezimila ezinesivuno, eziwusizo njengokuthi nje singathola izinkuni kula mahlokozi.
Sikhuthaza bonke abalimi babe nazo izihlahla ensimini.
Ngakho-ke abafuna izithombo zezihlahla zezithelo mabasiphe imininingwane ukuze kuthi kufika intwasa elandelayo zibe sezilungele ukutshalwa.