Ezinye izinkinga nge- pornography
NAMUHLA siqedela ngokuyisihlanu kokuli-10 esithe kuyingozi empilweni yobukela imifanekiso yokwenza ucansi, phecelezi i-pornography.
KAKUMANGALISI ukuthola ukuthi iningi lababukela i- pornography kalinabo ububele nokunakekela. Kuthiwa izinto bayaziphuthuma, futhi konke bakwenza ngempoqo.
Izithandwa zabo kabazinikezi ithuba lokulindela ngemfudumalo isikhathi sokuthokozela ucansi, bavele bahlwithe nje lokho abakufunayo. Phela ngokuba mnene usuke ubonisa uthando, okuyinto ekude emqondweni wababukela i- pornography. Ukubukela imikhuba ye- pornography kwenza imizwa yenyuke masinyane futhi imizimba yabo ayiqeqeshiwe ukuba kube nethuba elide lokuthokozisana nezithandwa zabo ukuze nazo zithokoze.
Ngakolunye uhlangothi labo abajwayele lo mkhuba bazithola bebhekene nengwadla yokukhathalelwa yimizwa bagcine bengasakwazi ukuthokozisa izithandwa zabo. Umuntu obukela i-pornography ugcina esebona ubuhle obuwuhlobo oluthile kuphela. Nalapho kuba yizingxenye ezithile zomzimba walowo muntu azitusayo nezihehayo kuyena. Uma eke wazimuka ngo-4kg owesifazane, hhawu seko nakele njalo, akasathandwa! Isamba sakho konke lokhu osekushiwo, senza ucansi nalowo oshade naye lube ngomkhulu umsebenzi lona. Isithandwa sakho kasibe sisakuheha, ukwenza ucansi kuba duma bese kuba wumzabalazo nje ukwenza naso ucansi. Abanye baze bazithokozise bebodwa begeza kunokuba babhekane nenselelo yokwenza ucansi nabantu abathandana nabo. Ukuzicabangela wedwa komuntu obukela i- pornography kuchaphazela nezinye izinhlangothi zobudlelwano bothando nempilo yakhona jikelele.
Ukusebenza kobuchopho bomuntu yinto enzima ukuyiqonda, ngakho uma udlalela kukhona, akube kusaba lula ukuba uphinde ukuthokozele ukwenza ucansi okwangempela.
Asebekhulile ngeminyaka yobu- dala nabo basuke bezigaxa enkingeni uma beqala lowo mkhuba manje. Kanjalo amabhungu namatshitshi bangalokothi bacabange ukuthi i- pornography iyobasiza babe nesikhathi senjabulo emangalisayo sebeshadile uma bebukela ukwenziwa kocansi besebasha. Umthombo ngabe: tolovehonorandvacuum.com