Ukhuza abadlali oweMan Utd
UNXUSE abadlali bakhe ukungagajwa yinjabulo kuze kweqe uJose “The Special One” Mourinho ongumqeqeshi weManchester United yase-England ekhuze ibuya ngesitayela kwi-Uefa Champions League inenebula iFC Basel yaseSwitzerland ngo-3-0 ngoLwesibili e-England.
IRed Devils sekuphele amasizini amabili iyizwa ngendaba imidlalo yeChampions League njengoba ibibhacaza kule minyaka embalwa edlule.
Nangesizini edlule iqede endaweni embi kwi-log ye-English Premiership okwenze yangayithola indawo kulo mqhudelwano. Ingene ngemuva kokudla ubhedu kwi-Europa League eyithikithi lokudlala kwiChampions League kwizingqwele.
UMourinho ubancomile abadlali bakhe ngokunqoba umdlalo wokuvula lo mqhudelwano.
“Kuhle ukuthumela umyalezo wokuthi kasidedeli lutho ekhaya. Ukunqoba kwethu kuzokwenza ukuthi noma iyiphi ikilabhu eza lapha e-Old Trafford imincele ukuthi okungenani ithole iphuzu. Mina-ke kulowo mzuzu kangifuni iphuzu elilodwa kwiChampions League, kodwa ngi- wafuna wonke ukuze sidlulele esigabeni esilandelayo.
“Abadlali bami kangifuni bakufake emakhanda ukuthi bahlule iBasel kalula. Lokhu ngifuna kubakhuthaze ngisho emidlalweni yeligi. Okungihlabe umxhwele wukuthi uRomelu Lukaku ulishayile igoli nakulo mdlalo. Lokhu kwenza ngibone ukuthi siyisebenzise ngendlela imali ngesikhathi sokuvulwa kwewindi lokuthengwa kwabadlali,” kusho uMourinho.
IRed Devils iqhathwe ne-Everton kowe-English Premiership ngeSonto ngo-17h00. Kulo mdlalo kubhekwe ngabomvu uLukaku obegijima kwi-Everton noWayne Rooney osebuyele kwi-Everton ngemuva kokuchitha iminyaka eminingi e-Old Trafford. IMan United ibivele imthenge kwi-Everton uRooney obalwa nabagadli abahlonishwayo e-England. Isiyonke imidlalo ye-EPL:KUSASA NGOLWESIHLANU AFC Bournemouth vs Brighton & Hove Albion 21h00 (SS3). NGOMGQIBELO Crystal Palace vs Southampton 13h30 (SS3).
Liverpool vs Burnley 16h00 (SS3).
Huddersfield Town vs Leicester City 16h00.
Newcastle United vs Stoke City 16h00 (SS6).
Watford vs Manchester City 16h00 (SS5).
West Bromwich Albion vs West Ham United 16h00.
Tottenham Hotspur vs Swansea City 18h30 (SS3). NGESONTO Chelsea vs Arsenal 14h30 (SS3). Manchester United vs Everton 17h00 (SS3).
EyeSpanish La Liga ihlelwe kanje:KUSASA NGOLWESIHLANU Eibar vs Leganes 21h00 (SS7). NGOMGQIBELO Levante vs Valencia 13h00 (SS7). Getafe vs Barcelona 16h15 (SS7). Real Betis vs Deportivo La Coruna 18h30 (SS7).
Atletico Madrid vs Malaga 20h45 (SS7). NGESONTO Deportivo vs Villarreal 12h00 (SS7). Girona vs Sevilla 16h15 (SS7). Las Palmas vs Athletic Club 18h30 (SS7).
Real Sociedad vs Real Madrid 20h45 (SS7). NGOMSOMBULUKO Espanyol vs Celta de Vigo 21h00 (SS7).