QIKELELA UKUTHI UNALO ULWAZI NGOM
KUYANCONYWA ukuthi ngaphambi kokuba utshale zihlahlele uhlelohlaka lomsebenzi ozokwenzeka ensimini.
Lokhu kuze kumbandakanye nokuthi uzotshala imbewu engakanani ezokhipha isilinganiso sesivuno esingakanani. Okungaphezu kwalokhu wukuthi ube nolwazi oluphelele ngohlobo lomhlabathi olutholakala endaweni ozoyisebenzisa ukutshala nokukhulisa izitshalo ezithile.
Siyazi ukuthi emuva kwesikhathi umhlabathi nesigubu sawo uyashintshashintsha, kodwa uma ube nolwazi ngaphambi kokutshala lokhu kuzokusi- za wazi ukuthi uzodingani ekwelapheni noma ekusimamiseni ukuceba komhlabathi.
Umhlabathi wonke okhona ezweni wavela ekukhumuzekeni kwamadwala ekhunyuzwa yizimo zezulu ezehlukene, ukushintsha kwesigubu somhlabathi kuyenzeka kwesinye isikhathi kuhambisane nezindlela abalimi abasebenzisa ngazo umhlabathi.
Zintathu izinhlobo zomhlabathi ezimqoka, yisihlabathi, yibumba nokusathuli. Izinhlayiya ezincane kulezi zinhlobo zomhlabathi yizona eziwenza ukwazi ukumunca nokubamba ukudla nomswakama. Izinhlayiya ezenza isihlabathi yizona ezinkulu ukwedlula lezi ezinye ezimbili. Yingakho nje uma ubamba isihlabathi uyezwa ukuthi simahhadlahhadla.
Noma ngabe isihlabathi sikwazi ukumunca amanzi kodwa “kawamumatheki” isikhathi eside kanjalo nomsoco ungamunceka kodwa ungamumatheki isikhathi eside. Ubumba lukwazi ukumunca nokumumatha ukudla namanzi isikhathi eside kunesihlabathi.
Okusathuli la emhlabathini yilokhu okunika umhlabathi umbala ogqunqile futhi kwenza udaka masinyane kunale-