WELULEKWA UKUSHIYA I-ARSENAL
UYALWA ngokushiya i-Arsenal uTheo Walcott ongasajwayele ukuthola ijezi kule kilabhu eqhathwe neSwansea City koweEnglish Premiership ngoMgqibelo ngo16h00 ekhaya.
U-Ian Wright oyingwazi ye-Arsenal, uthi kungaba wumqondo omuhle ukuthi uWalcott aqalaze engxenye kunokuba wukudla kwebhentshi kule kilabhu elolongwa nguArsene Wenger waseFrance. Lo mdlali useyenzele lukhulu le kilabhu ayijoyine eminyakeni eli-11 edlule esuka kwiSouthampton yakhona e-England.
UWalcott usadlale imidlalo emithathu yePremiership kule sizini futhi nakhona esuka ebhentshini. Yize engalitholi ijezi kwiPremiership, wenza kahle kwi-Europa League nakwiLeague Cup. Usevalele amagoli amathathu emidlalweni eyisihlanu yale miqhudelwano uma isihlanganisiwe.
UWright uthi kungamjabulisa ukubona uWalcott eya ekilabhini ezomdlalisa. Uthi usabheke lukhulu kuyena njengoba eneminyaka engama-28 ubudala.
Isiyonke imidlalo ye-English Premiership kule mpelasonto ihlelwe kanje:NGOMGQIBELO Manchester United vs Tottenham Hotspur 13h30. Watford vs Stoke City 16h00. Crystal Palace vs West Ham United 16h00.
West Bromwich Albion vs Manchester City 16h00. Liverpool vs Huddersfield Town 16h00. Arsenal vs Swansea City 16h00. AFC Bournemouth vs Chelsea 18h30. NGESONTO Brighton & Hove Albion vs Southampton 15h30. Leicester City vs Everton 18h00. NGOMSOMBULUKO Burnley vs Newcastle United 22h00. EyeSpanish La Liga ihlelwe kanje:NGOMGQIBELO
Deportivo Alaves vs Valencia 13h00. Atletico Madrid vs Villarreal 18h30. Athletic Club vs Barcelona 20h45. Sevilla vs Leganes 22h30. NGESONTO Getafe vs Real Sociedad 13h00. Girona vs Real Madrid 17h15. Eibar vs Levante 19h30. Malaga vs Celta de Vigo 21h45. NGOMSOMBULUKO Espanyol vs Real Betis 22h00. Las Palmas vs Deportivo La Coruna 22h00.