Usizi luzwa olunye kwiTeam of Choice
Kubanjwe umoya ngabadlali abamqoka
USIZI luzwa olunye kwiMaritzburg United njengoba uFarook “Ntshebe” Kadodia ongumnikazi wale kilabhu ekhala ngezinkinga ngaphambi komdlalo weLast 16 kwiTelkom Knockout le kilabhu ezowugijima nePlatinum Stars kusasa ngoLwesihlanu ngo20h00 eHarry Gwala Stadium, eMgungundlovu.
ITeam of Choice iya kulo mdlalo nje, abadlali bayo basadonsa kanzima njengoba besanda kushonelwa ngumlingani wabo uMlondi “Vicks” Dlamini engozini yemoto emasontweni ambalwa edlule. UZOGIJINYELWA eThekwini umdlalo weHappy Wanderers yasePort Shepstone ne-Ashley United yasePinetown wokuhlungela umqhudelwano weNedbank Cup ozokuba mhla lulunye kuLwezi (November).
La makilabhu agijima kwiSouth African Football Association (Safa) kanti ozonqoba lapha uzobhekana kowamanqamu walesi sigaba neLadysmith United emdlalweni ozokuba ngasekupheleni kukaLwezi.
ILadysmith ihlule uMvoti FC ngo-1-0 wegoli likaLehlohonolo “Msuthu” Ndlovu izolo ngoLwesithathu eWadley Stadium, eMgungundlovu.
Le kilabhu izokuya kulo mdlalo ibambe umoya ngabadlali bayo abamqoka kubalwa uBevan Fransman odlala emuva noBandile Shandu olihlikihla esiswini okuthiwa banokuthinteka.
UKadodia uthi isimo sisemuncu ekhempini yabo ngokushonelwa nguDlamini kodwa akukho abangakwenza.
“Kuzofanele sizame ukulwela ukunqobela uDlamini lo mqhudelwano. Okungiphatha kabi nje wukuthi sinenkinga njengoba kunabadlali bethu ababili abanokuthinteka uFransman noShandu. Okwamanje kasazi ukuthi bazokuba khona yini kulo mdlalo kodwa uma begcina
US’phiwe Hadebe ongomunye wabaphathi beLadysmith, utshele leli phephandaba ukuthi indlela yabo ebheke kwiLast 32 yeNedbank Cup bayibona ikhanya.
UZakhele “Zakes” Gwala odidiyela lesi sigaba KwaZulu-Natal, uthi le midlalo bazolwela ukuthi igijinywe ngezinsuku ezinqunyiwe ukugwema ukushaywa yisikhathi sokukhipha ingqwele.
Kuzo ezeNedbank Cup, unyelwe yinyoni esandleni uKamogelo Mogotlane obengukaputeni weKeyona Team yanonyaka esayiniswa yiCape Town City egijima kwi-Absa Premiership. UMogotlane udabuka eMpumalanga kanti uphuma ohlelweni lweKeyona Team. bengadlalanga kuzofanele abazonikwa ithuba balisebenzise. Kufanele noma kanjani siwunqobe lo mdlalo, sesigijime imidlalo eyisi-6 singanqobi lutho,” kusho uKadodia.
URoger de Sa ololonga iPlatinum, uthi iMaritzburg izokuba nzima ekhaya.
“Lo mdlalo kuzofanele sizame ngawo wonke amandla ukuthi siwunqobe. Ngisebenzile kwiMaritzburg abadlali bayo ngiyabazi kodwa lokho kakusho lutho ngoba bashintshe kakhulu kunakuqala. Ngikulangazelele ukubuyela kule nkundla okokuqala selokhu ngahamba. Ngethemba ukuthi ngizophuma newini,” kusho uDe Sa.
I-LADYSMITH UNITED NETHEMBA NGE-NEDBANK CUP
Ulandela ezinyathelweni zikaAubrey Modiba, u-Ian Chikohwa noSydney Masana abazitholele amadlelo aluhlaza kwiPremier Soccer League (PSL) besuka kulolu hlelo.