Ucela uxolo ophimisele owoSuthu
UCELE uxolo uGabadinho Mhango ongumgadli weBidvest Wits ngokuphimisela ngamathe uMichael Morton odlala kumaZulu FC.
UMhango uphumele obala okokuqala ngqa izolo ngeSonto ekhipha isitatimende abexolisa kusona ngesenzo sakhe esaholela ekutheni uMorton akhishwe ngekhadi elibomvu emuva kokucasuka wabe esemdudula.
Uthi usehlanganile noMorton walucela uxolo.
Uthi nakuba ebenesifiso sokuxolisa ngesikhathi lesi sigameko sisanda kwenzeka kodwa welulekwa ukungathi vu ngaso kwazise belusesezithebeni zekomidi eliqondisa izigwegwe lePremier Soccer League (PSL) elimthole enecala.