Isililo ebulawa yi-
Imdabule isifuba washonela khona lapho
SIKHULU isililo emndenini wakwaMandlanzi, eMnyathi eVryheid, enyakatho yeKwaZulu-Natal ngokushona kukababa wekhaya ebulawa wumshini wokusika (grinder) elungisa umuzi wakhe. UNkk Mirriam Mandlanzi, oyinkosikazi kaMnu Mandla Mandlanzi (57), utshele ILANGA ukuthi bavuke ngoMsombuluko nomyeni wakhe balungisa ubonda lomuzi wabo, befuna ukufaka iwindi kabusha.
“Ubaba ubekhala ngokuthi kuyashisa kakhulu ekamelweni lethu sabe sesihlela ukuthi sifake ifasitela elisha,” kusho uNkk Mandlanzi.
Kuthiwa ngesikhathi uMnu Mandlanzi esika ubonda, okusasonjwana le- grinder kuphume kuqhasha kwamsika phakathi nesifuba washonela khona lapho. “Ngesikhathi kwenzeka lokhu bengikwenye indlu kukhona engikulungisayo.
"Ngizwe ngomsindo ubaba ememeza eselimele kanzima esifubeni.
"Kube yisikhathi esincane elimele wadlula emhlabeni ngenxa yokuthi ubesikeke kakhulu esifubeni,” echaza uNkk Mandlanzi.
Uthi bebejwayele ukuthi uma kukhona okonakele emzini wabo babambisane ukukulungisa. “Ngisekude ukukhohlwa yinto engiyibonile, umyeni wami ebulawa yithuluzi lakhe asebenza ngalo libe lisetshenziswa nguyena!” kusho yena.
UMnu Sifiso Mandlanzi, oyindodana kamufi, uthe: “Ubaba ubekade engicelile ukuba ngimsize ufuna ukufaka ifasitela ekamelweni lakhe, ekhala ngokushisa.
Ngenxa yokuthi benginendlela, ngibashiye besebenza nomama, okuyinto abebejwayele ukuyenza ekhaya,” kusho yena.
Uthi uyise ubekukhonzile ukuziba- mbela uma kunento edinga ukulungiswa egcekeni futhi enamathuluzi akhe. khulumela amaphoyisa esifundazweni iKwaZuluNatal, uCol Thembeka Mbhele, uthe babikeliwe ngalesi sigameko kanti kumanje amaphoyisa aphansi phezulu nophenyo ngokushona kukaMnu Mandlanzi. nomfundo@ilanganews. co.za